Video
Read full review
2024-04-24
113 views
今日同朋友去中環行街食晚飯，去完荷李活道大館打卡後，朋友話附近有間好吃嘅藥膳餐廳，這間餐廳叫青花汾，位於中環皇后大道中93號中環街市2樓201-204號舖，港鐵香港站E2出口行幾分鐘便到，非常方便。這間餐廳原來係中環街市內，餐廳嘅招牌好光亮，令人一眼就見到，餐廳內環境雖然唔太寬敞，但整潔企理，好靚又新淨，好有中國特色，卡位都令人坐得舒服，這間餐廳嘅員工服務都好，來這裏吃都唔錯。這間餐廳嘅午市套餐好抵，仲係由11:30到17:30，而且食物款式都不少，有酸辣湯拉麵、藥膳灌湯拉麵、青花粉飯餐、涼菜、砂鍋藥膳灌湯雲吞水餃，仲有飲料有咖啡奶茶。這間餐廳嘅雲吞水餃係自家製，而辣椒油也是自家製作，仲可以即場買。除咗拉麵外，還有刀削麵、手擀麵、圓圓米粉，真係令人樣樣都想選擇來吃，我哋一定選藥膳食品及自家製嘅雲吞水餃，所以先選咗砂鍋藥膳罐湯韭菜雲吞，來個砂鍋載着韭菜雲吞，到了已經聞到好重藥材味，湯底真係有濃濃嘅藥膳味道，仲有十大隻韭菜雲吞，肉質鮮嫩湯頭味道香濃，每一啖都帶有藥膳清香，加上個鍋底熱辣辣，食到最後仍然夠熱，韮菜雲吞好濃郁好香，特別係一咬落去就已經食到好多肉汁出嚟，我哋都覺得好滿意。食完雲吞
今日同朋友去中環行街食晚飯，去完荷李活道大館打卡後，朋友話附近有間好吃嘅藥膳餐廳，這間餐廳叫青花汾，位於中環皇后大道中93號中環街市2樓201-204號舖，港鐵香港站E2出口行幾分鐘便到，非常方便。這間餐廳原來係中環街市內，餐廳嘅招牌好光亮，令人一眼就見到，餐廳內環境雖然唔太寬敞，但整潔企理，好靚又新淨，好有中國特色，卡位都令人坐得舒服，這間餐廳嘅員工服務都好，來這裏吃都唔錯。
這間餐廳嘅午市套餐好抵，仲係由11:30到17:30，而且食物款式都不少，有酸辣湯拉麵、藥膳灌湯拉麵、青花粉飯餐、涼菜、砂鍋藥膳灌湯雲吞水餃，仲有飲料有咖啡奶茶。這間餐廳嘅雲吞水餃係自家製，而辣椒油也是自家製作，仲可以即場買。除咗拉麵外，還有刀削麵、手擀麵、圓圓米粉，真係令人樣樣都想選擇來吃，我哋一定選藥膳食品及自家製嘅雲吞水餃，所以先選咗砂鍋藥膳罐湯韭菜雲吞，來個砂鍋載着韭菜雲吞，到了已經聞到好重藥材味，湯底真係有濃濃嘅藥膳味道，仲有十大隻韭菜雲吞，肉質鮮嫩湯頭味道香濃，每一啖都帶有藥膳清香，加上個鍋底熱辣辣，食到最後仍然夠熱，韮菜雲吞好濃郁好香，特別係一咬落去就已經食到好多肉汁出嚟，我哋都覺得好滿意。
食完雲吞就食水餃，就叫了北京水餃碗湯拉麵，這個水餃拉麵都係放於砂鍋上，啲水餃都大粒，粒粒都係人手做，餃子皮帶厚而黏實，餡料十足，而麵條份量超多又好煙靭，湯底亦有濃濃嘅藥膳味道，非常好食。我哋仲叫咗一籠上海小籠包，即叫即蒸，一籠有4隻，上來時熱辣辣新鮮蒸好，一咬落去即嘗到熱辣辣肉汁就流出來，成粒小籠包放入口食真係好味道。最後我們點了麻醬雞絲粉皮，粉皮嫩滑細膩，雞肉亦都嫩滑，也好有雞肉味，雞絲和粉皮混合著麻醬一起吃，口感超讚。
這個藥膳餐廳真係好值得推薦俾大家，食得好滋味，好抵食，價錢又大眾化，我哋下次都會再來吃午市套餐。
Post
