Video
Read full review
2024-07-01
384 views
今日心血來潮想去打邊爐，喺中環收工，梗係要去食火鍋撚啦！一段時間冇嚟，原來呢度裝修咗，座位同環境都舒服咗，放工同同事嚟就啱晒！餐廳行嘅係台式火鍋路線，佢個招牌湯底係麻辣沙嗲鍋，完全滿足到我又想食沙嗲又想食辣嘅願望！湯底裏面已經有豆腐同鴨血，當然唔夠都可以追加，每份$30👍🏻 湯底味道超香濃，沙嗲味勁豐富，花生醬味重，我非常鍾意！我哋叫嘅係小辣，個人覺得都幾夠辣，而且越煲辣嘅味道就越重，對我嚟講就啱啱好啦🤣配料方面，牛就必要啦！我哋叫咗極品安格斯牛小排，本地新鮮手切牛，美國精選三角肥牛三款，三款牛嘅感覺同肉質都唔同，我強烈推介嘅係極品安格斯牛小排，佢脂肪分布平均，入口即溶，好似食緊和牛咁！正！👍🏻👍🏻👍🏻 丸類推介鹹蛋黃豬肉丸，豬肉丸包住鹹蛋黃，非常有諗頭，而且味道好有驚喜！同沙嗲湯底好夾👍🏻👍🏻 咁正嘅湯底當然要叫竹笙同老油條啦！呢度嘅配料都非常貼心，兩個人食可以叫半份，試多啲唔同嘅嘢😀食完之後佢仲會送兩杯腐竹雞蛋糖水冰沙！冇錯，係腐竹雞蛋糖水呀！地道得來又估唔到咁特別！好似食咗個甜品，但係又好冰凍好解渴嘅感覺，必定推介大家試！佢有得散叫㗎👍🏻
餐廳行嘅係台式火鍋路線，佢個招牌湯底係麻辣沙嗲鍋，完全滿足到我又想食沙嗲又想食辣嘅願望！湯底裏面已經有豆腐同鴨血，當然唔夠都可以追加，每份$30👍🏻
湯底味道超香濃，沙嗲味勁豐富，花生醬味重，我非常鍾意！我哋叫嘅係小辣，個人覺得都幾夠辣，而且越煲辣嘅味道就越重，對我嚟講就啱啱好啦🤣
配料方面，牛就必要啦！我哋叫咗極品安格斯牛小排，本地新鮮手切牛，美國精選三角肥牛三款，三款牛嘅感覺同肉質都唔同，我強烈推介嘅係極品安格斯牛小排，佢脂肪分布平均，入口即溶，好似食緊和牛咁！正！👍🏻👍🏻👍🏻
丸類推介鹹蛋黃豬肉丸，豬肉丸包住鹹蛋黃，非常有諗頭，而且味道好有驚喜！同沙嗲湯底好夾👍🏻👍🏻 咁正嘅湯底當然要叫竹笙同老油條啦！呢度嘅配料都非常貼心，兩個人食可以叫半份，試多啲唔同嘅嘢😀
食完之後佢仲會送兩杯腐竹雞蛋糖水冰沙！冇錯，係腐竹雞蛋糖水呀！地道得來又估唔到咁特別！好似食咗個甜品，但係又好冰凍好解渴嘅感覺，必定推介大家試！佢有得散叫㗎👍🏻
Post
