Video
Read full review
2018-11-17
963 views
d人成日話出左黎做野就唔會識到真心朋友，好慶幸我係工作上識到一班好姐妹，尋晚仲同我補祝生日！因為我係超中意食川菜，所以朋友們就揀左呢間位於中環既餐廳，呢度既環境格局都好靚，唔講真係以為係食西餐！頭盤我地叫左個小鍋蜆，另外加錢upgrade左個湯變成辣魚湯。睇個樣以為唔會太辣，但係一試，原來都幾勁，不過真係好好味，愈辣愈過癮🤤🤤而d蜆粒粒都非常飽滿，肉質爽口鮮嫩，配合埋辣湯真係好夾👍🏻👍🏻然後叫左個川椒香辣軟殻蟹🦀呢個好似一貫既川菜，用勁多川椒同其他香料炒成，軟殻蟹非常juicy，炸完都唔會好乾！非常好食！食川菜，「水煮」既菜式一定走唔甩，而我地就揀左水煮魚！魚肉無骨好嫩滑，不過最值得讚賞係墊底既紅薯粉，口感好QQ，份量都唔少🤤🤤食得太多辣野，叫番杯野飲降下火先！我就揀左呢杯芒果mocktail🍸，飲落好似楊芝甘露😂而且好解辣👍🏻👍🏻過完辣野癮，我地仲叫左d唔辣既菜式！薑蜜澳州和牛粒：以為黃色一片片個d係荀，原來係薑，但有為甜甜地，所以唔食薑既我都完全無問題！牛肉粒好有肉味，有咬口👍🏻回鍋肉：比起市面一般既回鍋肉無咁辣，但都煮得好入味，唔會過咸，豬肉肥瘦適中，岩哂d唔食得辣既人！乾扁四季
因為我係超中意食川菜，所以朋友們就揀左呢間位於中環既餐廳，呢度既環境格局都好靚，唔講真係以為係食西餐！
頭盤我地叫左個小鍋蜆，另外加錢upgrade左個湯變成辣魚湯。睇個樣以為唔會太辣，但係一試，原來都幾勁，不過真係好好味，愈辣愈過癮🤤🤤而d蜆粒粒都非常飽滿，肉質爽口鮮嫩，配合埋辣湯真係好夾👍🏻👍🏻
然後叫左個川椒香辣軟殻蟹🦀呢個好似一貫既川菜，用勁多川椒同其他香料炒成，軟殻蟹非常juicy，炸完都唔會好乾！非常好食！
食川菜，「水煮」既菜式一定走唔甩，而我地就揀左水煮魚！魚肉無骨好嫩滑，不過最值得讚賞係墊底既紅薯粉，口感好QQ，份量都唔少🤤🤤
食得太多辣野，叫番杯野飲降下火先！我就揀左呢杯芒果mocktail🍸，飲落好似楊芝甘露😂而且好解辣👍🏻👍🏻
過完辣野癮，我地仲叫左d唔辣既菜式！
薑蜜澳州和牛粒：以為黃色一片片個d係荀，原來係薑，但有為甜甜地，所以唔食薑既我都完全無問題！牛肉粒好有肉味，有咬口👍🏻
回鍋肉：比起市面一般既回鍋肉無咁辣，但都煮得好入味，唔會過咸，豬肉肥瘦適中，岩哂d唔食得辣既人！
乾扁四季豆：每次見到呢個菜式都一定會點，因爲送飯真係一流，呢道既四季豆同樣無令我地失望！
食左咁多小菜，一於叫番個招牌擔擔麵食！端上枱既時候，大家都呆左，size的式都嚇死人，都唔知夠邊個食😅不過味道唔夠辣，麵質偏硬，唔似傳統既擔擔麵。我唔太中意。
最後當然唔少得生日甜點，姐妹們為我預備左鮮果川味涼粉。賣相好靚，中間仲藏住左粒士多啤梨🍓其實味道就好似日本既水信玄餅，無味既，所以有d碎山榨餅墊底用黎提味！清清甜甜都幾好味👍🏻
呢間川菜館格調高，味道好，一定會再次光臨！推薦👍🏻👍🏻
Post
