鍋爐

Open Now

Now Closed

中環蘇豪區酒吧林立，今次試左位於伊近利街集飲酒及串燒於一身嘅小店店主十分健談好客，耐心介紹店裡的食品及酒類飲品，特別一提，酒鬼可以試試清酒放題，性格比很高串燒選擇雖然唔多，但大部分都令人好驚艷，一試回味無窮😋香烤味醂魚乾：味醂去除咗魚乾腥味，而店主將魚乾烤得香脆而不乾、柴，送酒一流👍🏻鹽燒雞皮：雞皮脆到輕咬就碎，如果雞皮大塊小小，會增加整體口感，又一送酒之選德島阿波雞尾：通常雞pat pat串燒會有雞騷味，對於肉騷過度「敏感」嘅小編，竟然完全食唔倒騷味，而雞pat pat 口感外脆，內軟腍又滲出少少油脂，推介德島阿波雞肝：好食嘅雞肝串燒，需要掌握好火候及調料，而店主就處理得好好～雞肝燒到外層微焦，內裡仍保持鮮嫩多汁，再配上適當調味，令鮮味再提升招牌厚切牛脷芯：厚厚牛脷外層燒到焦脆，一咬肉汁就咇出黎，口感細膩彈牙，牛味極鮮極濃，好食到小編仲回味緊蘭王蛋黃免治雞肉棒：雞肉棒混入左雞軟骨及秘製調味料，再配上蛋香濃厚嘅蘭王蛋汁，食時又滑嫩多汁有咬口，口感豐富多層次