Video
Read full review
2022-10-21
1543 views
-𝘽𝙤 𝙄𝙣𝙣𝙤𝙫𝙖𝙩𝙞𝙤𝙣 🖼️ 米芝蓮2星餐廳🌟🌟好耐之前就已經有聽過呢間餐廳 最近先係灣仔搬去中環由鬼才廚魔 Alvin Leung 主理 每期都會有唔同主題做菜式今期以世界名畫做主題 幅名畫作為靈感去創造每一道菜一共有11道菜 每道菜式無論係擺碟定係味道都令人驚喜✨🖼️ Dinner ($2000/pp) ☁️餐前清潔係用餐前 侍應會倒入1898年花露水入乾冰桶既抹手紙用作清潔雙手之餘 亦都好似用花露水香水將客人帶到過去🖼️ Soup by Andy / 安迪的罐頭湯 參考左 1962 Andy Warhol 金寶罐頭湯畫作一樣 用湯品作前菜但“說湯不見湯“ 係因為用左分子料理黎呈現1️⃣ 南瓜湯配北海道海膽醬 - 飲落好水狀但好濃2️⃣ 洋蔥泡沫 - 友入左鎮江醋 喬頭同芝士脆係用工小籠包湯包結構去做分子料理 神奇地好似真係食左成個小籠包咁4️⃣ 泡椒煙燻車厘茄 - 氣味同味道都好强烈同時好過癮❤️係有啲攻鼻 好似同時食緊好多泡椒但又唔辣 反而係清甜4️⃣ “龍蝦湯“脆卷 - 加入左紅蝦他他 南姜粉 去營造冬蔭公味🖼️ Dog Playing Mahjong / 犬打麻雀Inspired by Amer
𝘽𝙤 𝙄𝙣𝙣𝙤𝙫𝙖𝙩𝙞𝙤𝙣 🖼️
米芝蓮2星餐廳🌟🌟
好耐之前就已經有聽過呢間餐廳 最近先係灣仔搬去中環
由鬼才廚魔 Alvin Leung 主理 每期都會有唔同主題做菜式
今期以世界名畫做主題 幅名畫作為靈感去創造每一道菜
一共有11道菜 每道菜式無論係擺碟定係味道都令人驚喜✨
🖼️ Dinner ($2000/pp)
☁️餐前清潔
係用餐前 侍應會倒入1898年花露水入乾冰桶既抹手紙
用作清潔雙手之餘 亦都好似用花露水香水將客人帶到過去
🖼️ Soup by Andy / 安迪的罐頭湯
參考左 1962 Andy Warhol 金寶罐頭湯畫作一樣
用湯品作前菜但“說湯不見湯“ 係因為用左分子料理黎呈現
1️⃣ 南瓜湯配北海道海膽醬 - 飲落好水狀但好濃
2️⃣ 洋蔥泡沫 - 友入左鎮江醋 喬頭同芝士脆
係用工小籠包湯包結構去做分子料理
神奇地好似真係食左成個小籠包咁
4️⃣ 泡椒煙燻車厘茄 - 氣味同味道都好强烈同時好過癮❤️
係有啲攻鼻 好似同時食緊好多泡椒但又唔辣 反而係清甜
4️⃣ “龍蝦湯“脆卷 - 加入左紅蝦他他 南姜粉 去營造冬蔭公味
🖼️ Dog Playing Mahjong / 犬打麻雀
Inspired by American Artist - Cassius Marcellus Coolidge - “Dogs Playing Poker” 外國人就玩開啤牌 因為香港文化
廚魔就將名畫上的Poker換上麻雀 所以食材都係麻雀既方形
當中有煙燻鮑魚 象拔蚌 萵筍 青豆蓉 紫蘇葉啫喱 非常有趣
🖼️ Fish Magic / 魚的魔術
Inspired by Paul Klee既畫作 以玻璃盒再次呈現原條魚
🐟 頂部 - 有炸魚鱗脆片 + 平目魚刺身
因為游水有花草 所以就用左海草作為擺設 好有心思
🐟入面 - 以內臟為主
1️⃣鮟鱇魚肝 - 就咁睇真係睇唔出鮟鱇魚肝 食落鮮得黎唔腥
2️⃣薯仔泡芙 - 上面放有魚子 入面有sour cream 四川川椒
3️⃣九肚魚 - 簡單既魚骨但可以完美呈現出松子魚味道
上面點左少少甜酸醬 但真係估唔到可以咁好味！
🖼️ The Birth of Venus / 維納斯的誕生
畫中既維納斯係貝殼誕生 所以廚魔引以作為創作靈感
用左北海道帶子配海草 + 柚子乾瑤柱汁 + 乾瑤柱脆片
帶子大大粒非常新鮮 同埋瑤柱汁更能帶出鮮味 🤌
🖼️ Scream / 吶喊
呢個擺碟形態就同畫作一樣偏向抽象啲
其實係鮑魚切片 廚魔指係因為覺得個形狀好似畫作既咀
再配上綠豆蓉 魚子醬 同埋 日本蘭王蛋黃黎呈現畫作中既
火山爆發 真係幾有創意 而味道上都係意外地好夾同好味
🖼️ Pollock Pollock / 波洛克波洛克
呢個應該係最能夠還原畫作既一道菜式 令人目瞪口呆
係以Jackson Pollock 畫作作為靈感 非常充滿藝術感
係用左鱈魚 鱈魚籽 髮菜 蠔豉 整成 難度指數極高
侍應推介將所有材料卷住食 但果陣我地冇聽清楚切片黎食
但係味道都唔錯 入面仲有Custard 少少甜又偏鹹味~
🖼️ Chicken Picasso / 雞
黎自Picasso - The Rooster
而擺碟都係好用心思咁整左2隻雞翼插左係公雞形金屬架
個人係特別飲喜愛呢個菜式 - 塗上楓糖漿既燒雞翼
入面就係釀左羊肚菌煮過既雪耳 好貼心咁去左骨 方便食用
而蔥粒就係扮雞毛 所以鋪滿雞翼上面
而且又帶點沙薑雞做法 係個雞屁股塞左粒沙薑係度
成個用餐體驗好特別係用左另一個方法去創造更美味既味道
🖼️ The basket of bread / 麵包的籃子
用上傳統竹籃蒸自家製酸種包 個包蒸得香氣軟綿
可以點兩款醬 - 蔥油金華火腿牛油 同 欖菜四季豆牛油
組合雖然聽落少少奇怪 但估唔到係好夾 好好味呢！
🖼️ Autumnal Cannibalism / 秋天食人主義
By Salvador Dali - 畫中有2個人頭食自己
係描述當時人們對西班牙內戰既恐怖同破壞
所以廚魔就用左肉類黎對應番畫作
🥩澳洲M7和牛 - 肉質軟腍 肉味香濃 伴有甘荀撻
中意個醬汁係用左牛骨髓同Parsley 紅酒去整 好香口
🥩法國鴨胸 - 係2星期熟成既鴨胸肉
配上陳皮汁 而沙律就用左八珍甜醋 仲有粟子餅配鴨汁
🖼️ Sun Flower / 向日葵
甜品係Inspired by 向日葵 - 梵高名畫之一
其實係用杏仁豆腐 杏仁脆片 柚子 南瓜蓉 葵花籽等做成
賣相非常美觀 仲有少少唔捨得食 神奇既係有d似川貝杷膏
食落有種健康既味道~
🖼️ The Garden of Eden / 伊甸園
同樣係甜品 呢個以伊甸園故事做主題 除左亞當 夏娃
當中係有蘋果同蛇 所以入面會有無糖蘋果乾脆片 焦糖脆片
蘋果雪葩 配apple cider sauce 同埋蛇形用棉花糖 好得意
🖼️ 朱古力畫布
最後廚魔想客人都可以參與畫作
所以每枱客人都會有朱古力畫布去畫畫
配以七彩可食用醬汁當做顏料
包括Caviar / Berry / Pineapple / 蝶豆花 / 山渣 等等
真係好有創意又幾好玩 （雖然我上色得好核突）
第一次體驗呢啲咁有互動性既餐廳呢~
-
Post
