中華滙館 (Closed)

週末特別多一家大細齊齊嚟飲茶食點心, 樂也融融。今個禮拜我都同家人一齊嚟感受一番。 呢度嘅點心選擇都唔少, 有傳統嘅蝦餃燒賣, 亦有平時少見嘅特色之選。筍尖鮮蝦餃 $72鮮甜蝦肉同爽嫩筍尖係經典絕配, 加上蝦餃皮柔韌有彈性, 口感同味道都極佳。香檳石榴果 $58 石榴果以獨立蒸籠上檯, 外層晶瑩剔透, 賣相精緻吸引, 用料真材實在, 好睇又好食。鹿兒島茶美豚叉燒 $280呢個叉燒可以以極度肥美嚟形容, 油脂入口即溶, 口感豐富到不得了。香草鵝肝脆雲吞 $54雲吞皮極薄, 餡料唔算多, 但香脆度實在令人意想不到, 可口非常。