五行 (Closed)

其實係中環返工每曰最有興趣諗既就係中午食咩好，可惜有時作為一個上班族，都真係無咩自由。唔係曰曰食飯都可以抖到下氣，有時食飯都幾趕時間嫁，始終間間都咁多人，分分鐘淨係等位都等左一半時間，如果撞正果間食物質素差既，食完仲要趕返工，都幾心疲力倦。而呢一間就係我趕時間但又想食好d既選擇。餐廳身處於IFC, 大家對佢既第一印象一定係覺得貴唔抵食，同埋有排等，不過事實係呢間既性價比十分高。如果你趕時間又budget有限，呢間係我係IFC既唯一推介。首先等候時間一d都唔長，就算有一堆人等，但唔洗等幾耐就有得入，加上呢度等位，點都比其他街舖等得舒服多多。 上菜時間都好快，一個鐘係絕對夠時間，慢慢地食呢個中午飯。今次我揀左呢個黑蒜油拉麵，味道唔錯嫁，湯底濃郁，材料豐富，唔只有叉燒同糖心蛋，仲有小食可以揀，我就揀左壽司，因為有我愛食既三文魚同埋帆立貝。埋單約$150左右，食物有質素，環境舒服，係中環上班族襯中午時間叉叉電、抖一抖既選擇。