鳴越 Pho

Open Now

Now Closed

下晝去開中環做嘢，就約中環朋友食餐飯，而佢就揀好耐無食嘅越南嘢。鳴越 Pho兩點後就有下午茶餐牌，河粉、粉、撈檬、金邊粉都有，價錢由$42起，今日食嘅兩款下午茶份量都好多，喺中環嚟講真係好抵食！鳴越綜合粉 $60湯底睇落好清，但入口好鮮好濃郁，配料多多，有牛丸、牛肉、豬頸肉、牛柏葉、牛筋，牛丸彈牙味濃、牛柏葉好爽、牛筋好腍，味覺好滿足之餘又無負擔感！原隻軟殻蟹撈檬 $65軟殻蟹比想像中大隻，外脆內鮮，香口又惹味，食落又唔會成口油，好好食。仲有兩片越南札肉，夾雜咗少少胡椒粒，好好味。撈埋蔥油、生菜絲、青瓜絲等等一齊食，好fresh，夏天食一流！椰汁三色冰 下午茶特飲加$12濃香味甜的椰汁加些三隻顏色：紅色的紅豆、綠色的粉條及黃色的去皮綠豆，一杯有齊唔同口感，就算無少甜都唔會太甜。青檸薏米水 下午茶特飲加$12薏米有助清熱利水，呢杯都有好足料嘅薏米，仲有冬瓜條添，加埋青檸整體唔會太甜！環境都好舒適，牆上仲有越南風壁畫，增加越南風情。