頹飯 (Closed)

有時想叫外賣，但係又唔想食得太求其，就去叫個頹飯。間餐廳名好得意，令人諗起大學生涯飯堂時候嘅食物，好求其就叫頹飯，但係呢間餐廳反其道而行，比較主打高質素嘅午飯提升生活質素。中午平時出去食就食到牛仔骨，外賣到嘅牛仔骨都好少見。黑椒牛仔骨飯$68佢嘅黑椒味好香，但係唔會太過辣，味道適中，啲牛仔骨肉軟硬合適，食落去都唔需要好費勁，飯嘅質感軟熟，份量都好夠多，如果細食少少嘅女仔都好有機會食唔晒。加$6有紅豆冰更加豐富la！