中環茶記 (Closed)

放假本來諗住同同事去食男人的浪漫，經過這間茶記見到都幾多野食，有中有西，而且在中環區算比較抵食，就入去開飯啦！泡椒雞腳筋：小食裏面見到，都不抱太大期望，諗住試一試，點知居然有驚喜，雞腳已去骨，醃到入味，辣度都屬中等，幾有咬口。欖角金沙骨：因為有欖角醬舖面，所以外型不算吸引，但入口味道卻極佳，有欖角的香及蜜糖的甜，而且肉質鬆化。芝士焗肉醬意大利粉：意粉表面舖滿了肉醬及芝士，不過過酸，味道剛好。咖哩雞球飯：咖哩十分惹味，辣度雖不及泡椒雞腳，但比平時的茶餐廳辣，大量的薯仔及雞扒件，配飯果然係最夾。煎蛋芝士火腿菠蘿包：見到幅圖忍唔住叫了一件，菠蘿包烘熱，夾上半溶芝士及新鮮的煎蛋及火腿，麵包等於平時的兩個，超級巨型又好味。紅豆冰：大杯到夠兩個人飲，不過奶味較重，紅豆煲得都好腍。整體食物都比較大份而且抵食，味道亦都不俗，而且店員有禮，服務周到，值得比👍🏻👍🏻