大呷台灣 (Closed)

今次嚟到中環嘅大呷台灣食台灣料理，餐廳小店唔大，勝在環境整潔。平日晚上冇咩人，夠清靜。食物選擇都幾多，大部份台灣食物都有。酥炸雞扒$58份量都幾多，雞扒香脆可口又咸香，外脆內軟好有口感，雞扒肉質唔會太乾，食落啖啖肉幾正。水煮滑魚柳$138估唔到台灣嘢都有辣嘢食，最愛食辣嘅我哋梗係要試吓。不過呢碟水煮魚柳係唔辣的，只係個湯底夠濃郁又足料。有好多片滑滑魚柳，然後有金菇，寬粉，配料十足，香料夠多好惹味。紅燒豬軟骨麵$88豬軟骨肉質軟嫩，湯底濃郁。麵身有彈性又幼身好掛湯，味道唔錯，份量幾多幾抵食。黑糖珍珠奶茶$28黑糖珍珠奶茶水準不過不失，黑糖味好重茶味濃