鳴越越式料理

Open Now

Now Closed

收工近近地同同事黎附近既越式野食飯～天氣開始熱熱地，一於試試佢嘅越式龍眼冰呢度嘅龍眼冰味道唔錯，每飲一啖都好滿足，仲有好多粒龍眼畀慢慢食，啱晒鍾意飲甜嘢嘅朋友！朋友叫紅豆冰都話唔錯，不過略嫌唔夠多紅豆！冬陰公海鮮炒飯價得推介，大大碟，有鑊氣，又唔會太油，入面嘅大蝦都幾爽口！呢個飯相對地會有少少辣，不過會好開胃！朋友叫左豬頸肉撈矇，啲豬頸肉勁多！唔同其他舖頭比得四五塊，呢到食極都仲有，超開心！再嚟就試咗一個鳴越春卷拼盤！分別有炸春卷，鳳尾蝦卷同埋薯絲蝦卷，而出面都比較少會食～呢3款春卷各有特色，3個味道都唔錯，但係薯絲蝦卷就最出眾，因為佢炸到可以連埋殼食，好邪惡！