溢溢掂 香港味道 (Closed)

係附近做intern 成日都係食連鎖店or貴價西式野 所以決定發掘下附近有咩平民野食原來係利源東街有好多外賣店 而今次竟然難得地搵到間車仔麵店 好開心 終於有返d平民味道😝由於係外賣店 所以內裡地方有限 都係建議大家叫外賣 不過內在都乾淨整齊🙂車仔麵最緊要係多料 估唔到係中環都搵到間咁多料嘅車仔麵店 正！而且俾我發現個地方可以口痕時黎買小食😋最後我嗌左個大碗什錦麵 貪佢多料麵同湯分開上 唔會驚d麵淋每樣料都有1-3份 個湯底微微辣 幾香同入味米線係幼個款 煙un口感幾好鍾意佢個蘿蔔牛腩 幾入味！中環平靚正推介😀