Munchies (新中環大廈) (Moved) New Location

這家在中環結志街以雞肉漢堡為主的小店，雞肉是脾肉部位，經吉列炸過封住肉汁，雞肉非常Juicy，配上各式各樣嘅醬汁，最受歡迎有蜜糖芥辣、韓式辣醬或松露蛋黃醬，另外生菜絲及靑瓜片，減輕油膩感！漢堡份量很大，非常飽肚感！另外最近主打嘅泡菜牛油果薯格，好有驚喜！飲品是非一般汽水，是自家制低卡氣泡水，非常有特色又好飲。🐔🍔 ▪️松露蛋黃醬雞肉漢堡 $ 76 ▪️蜜糖芥辣雞肉漢堡 $ 68漢堡非常大份，麵包全部用牛油煎香，包嘅質地好鬆軟，炸過雞腿肉份量真係好似成隻去咗骨嘅雞髀咁，炸到外脆雞肉超級嫩滑，配上大量嘅生菜絲同埋青瓜，醬汁我哋揀咗兩款係最受歡迎嘅松露蛋黃同埋蜜糖芥辣，兩款各有特色，配雞肉都非常搭，讚👍🏻👍🏻🥑🍟▪️泡菜牛油果薯格 $50牛油果同埋薯格都係我哋好鍾意食，但係再加埋泡菜呢個組合從來冇試過，這款泡菜完全唔辣帶微甜，泡菜汁滲左入薯格度，原來好好食，加埋牛油果好清新，重點係啲薯格完全冇淋到，仍然保持脆口，好食🥤▪️金菊龍珠果氣泡水 $36🥤▪️蝶豆花荔枝 $36店舖主打飲品美國低卡路里氣泡水，顏色又靚，好似飲緊汽水咁樣，但係又低卡路里而且唔甜，每種口味都係帶不同材料嘅顏色