喜双逢 (Closed)

近0黎特別多飯局，忙到傻0既我... 多謝老友相約 都係0個句，朋友好緊要，又一中環搵食好推介，只因其中一飯友係中環儷人平時好少入萬邦行，從來都冇諗到有間咁0既酒樓。 0黎到佢0既環境同商場好配合，好似時光倒流到80年代咁，好特別!坐低大家都唔想諗，叫0左個套餐加小小0野就算套餐包0左先0黎個义燒燒肉雙拼，個义燒要讚，好味 肉滑，夠淋，肉香再0黎個白杏湯，好夠火喉，正!套餐仲包碟豆腐蒸帶子，都好新鮮。炒石班都幾好。但唔算好特別同細碟0左少少。黑松露炒飯都係套餐，炒得唔錯，乾身唔油，黑松露味出。另加0左碟炒粉絲，簡直係將成餐飯帶入另一個level 炒得好入味，乾身得0黎唔硬，令到我都想返屋企炒0下! 值得推介!另一個加0既係炒荷芹，ok。最後送上甜品紅豆沙，真係送0既 但都唔hea,有起沙0架!埋單位位$280，中環區唔算貴，食得飽，lee間可以值得再0黎。