Bistronomique Staunton (Closed)

週六約咗契妹去士丹頓街間香薰店為契媽揀選生日禮物，買完就順道喺附近間「Bistronomique Staunton」度食埋晏先返屋企。街上有多間食肆，小肥之所以會揀「Bistronomique」除咗因為之前去過其西環o既分店，覺得食物唔錯之外，最大o既原因其實係見到門外o既廣告牌寫出午市套餐只係由$108起 ，以西餐黎講價錢真係好吸引。中午十二點三左右，店內已有幾枱散客，有齊單身、情侶、本地、外籍、年輕及年長，明顯客路都幾廣吓。食店合共兩層高，地面中央有個大水吧。餐桌全為方形合併式二至多人散座，部份座位用上厚墊o既梳化櫈，簡潔舒適 。通往下層o既密室有條弧形樓梯，以星月形o既吊燈照明。 下層o既散座看似比地面o既多。洗手間亦藏於地下室，兩個門牌仲好搞笑地以史密夫決戰史密妻作主題添 。由於兩口子都未食早餐，埋位好快就決定每人要一客午餐。落單後，哥哥仔隨即送上麵包兩件。XO仔食嗰件白麵包熱辣暖手 ，而且鬆軟非常。頭盤之凱撒沙律：小肥都係第一次遇上有原條魚仔喺面o既凱撒沙律，心中o既問號可能喺臉上已表露無遺 ，美女廚神契妹即解釋話正宗o既凱撒沙律真係內含「鬼佬咸魚anchov