Rang Mahal Authentic Indian Cuisine (Closed)

中環有來自不同國家兼不同菜色既餐廳應有盡有，琳琅滿目，今晚嚐濃味菜色-印度菜，上樓餐廳，較神秘的環境氣氛。老闆係印度人，笑面迎人為我地介紹菜色。餐牌好多選擇，不同咖喱，先叫小食，必叫的Ssmosa ,肥大脆皮唔肥膩，裡面包左薯仔同青豆，好香的香料味，唔會辣啱我呀！加埋印度三色醬汁，mint & yogurt sauce , 深啡色甜酸醬，橙色為辣醬，叫了清淡粟米湯清一清先再食主菜，主菜叫了咖喱羊，勁重口味菜色，羊肉好腍身黏著啲筋，每啖都有漿住口的濃味咖喱，中辣程度。配了Garlic Mann, 一絕，兩種都濃味，帶出雙重口味。另一主打菜-無骨燒雞$88鐵板上，熱㷫㷫，啖啖肉，惹味，配上旁邊配菜新鮮蔥，好鮮甜，而且好大碟，抵食呀！飲品，叫了出名的Mango milkshake ,鮮香芒味略甜，叫時先叫少甜更佳，朋友叫了咖啡。其實餐牌還有多款菜色，下次再試過先得。