Video
Read full review
2016-08-27
4019 views
8月15日，拍拖紀念亦日，咁啱就正日要番工延期慶祝，於是mr.monster就話帶我出中環食飯。地鐵到中環，間野算好就腳，就響半山電梯下面，近中環街市。LaCasa門面唔算好特別，因爲係平日 上到尼見到都冇乜人，靜靜地，加埋小小背景音樂同埋燭光，氣氛都幾浪漫，mr.monster話係拍拖慶祝既絕佳地點。坐低左就緊係叫野食，打開menu，今次大件事，樣樣都想食，有Pasta，Pizza，肉眼扒，羊架，黑毛豬。。。。。最後因為食力有限，怕食唔曬，只係叫左個香草忌廉帶子蟹肉天使面同埋牛肝菌方天娜Pizza配黑松露菌醬兩個加$80仲可以有湯同前菜！等野食期間，想傾下偈調下情，最好就係摸住酒杯底，邊傾邊飲，想平平地，叫House Wine都只係加$40，餐廳價算係好底。飲野吹水時間好快過，香草忌廉帶子蟹肉天使面話咁快尼到，大大粒帶子肉，仲唔止一粒，真係足本版，然後d汁唔會杰，面尼講軟硬適中，連溫度都係啱啱好。食完天使面，尼埋個Pizza，好重松露味，但配埋牛肝菌，唔單止唔會劑，仲好夾到d味，pizza好薄脆成個Pizza兩個人都竟然食得曬。食完兩個都飽到上心口，行唔郁就一於繼續坐響到摸酒杯底傾下
地鐵到中環，間野算好就腳，就響半山電梯下面，近中環街市。
LaCasa門面唔算好特別，因爲係平日 上到尼見到都冇乜人，靜靜地，加埋小小背景音樂同埋燭光，氣氛都幾浪漫，mr.monster話係拍拖慶祝既絕佳地點。
坐低左就緊係叫野食，打開menu，今次大件事，樣樣都想食，有Pasta，Pizza，肉眼扒，羊架，黑毛豬。。。。。最後因為食力有限，怕食唔曬，只係叫左個香草忌廉帶子蟹肉天使面同埋牛肝菌方天娜Pizza配黑松露菌醬兩個加$80仲可以有湯同前菜！
等野食期間，想傾下偈調下情，最好就係摸住酒杯底，邊傾邊飲，想平平地，叫House Wine都只係加$40，餐廳價算係好底。
飲野吹水時間好快過，香草忌廉帶子蟹肉天使面話咁快尼到，大大粒帶子肉，仲唔止一粒，真係足本版，然後d汁唔會杰，面尼講軟硬適中，連溫度都係啱啱好。
食完天使面，尼埋個Pizza，好重松露味，但配埋牛肝菌，唔單止唔會劑，仲好夾到d味，pizza好薄脆成個Pizza兩個人都竟然食得曬。食完兩個都飽到上心口，行唔郁就一於繼續坐響到摸酒杯底傾下偈，傾到成十一點都唔走，老細又好好人唔會趕人，仲走埋尼一齊分享下飲酒經，最後仲試埋檸檬奶凍 檸檬味好香好fresh 所以奶凍食落都唔會好漏，真係冇得頂。
老細好Nice好隨和！今時今日咁既服務態度，下次我地實會再尼啦！
Post
