一虎 (Closed)

舖頭外觀秉承日本文化風味，十足日本當地既鋪面，入到去待應都好熱情， 好有日本情懷。鋪內所有調味品都好齊全，有日本食既紅薑、白芝麻。咖哩豬扒飯日本辣咖哩， 唔會好辣， 怕食辣嘅人士都可以一試，同埋咖哩汁好多， 唔怕唔夠餸飯。豬排外硊內軟，吾會乾身同埋皮身吾會同肉分開，飯嘅份量適中，唔會覺得太飽肚，可以食到其他小食而吾會覺得溜。 日本煎餃子鋪頭自製之作，控火、 落油，煎得啱啱好。皮吾會煎得太油膩，加上皮亦都薄身， 食落去唔會太粉嘅感覺。肉餡有好濃既肉汁，配上醬油簡直絕配，鍾意食餃子嘅人士不妨可以試埋啲醬油一齊食，會有另一番口味。