Video
Read full review
2024-06-27
79 views
週末晏就同老公去拍吓拖👩🏻❤️👨🏻，我地去咗中環一間由法國藍帶主廚主理嘅法國菜餐廳🇫🇷，食個法式下午茶$298/2位🫖，有兩層咸點小吃同一層精選甜點，每人有一杯飲品🍹。餐廳走優雅路線，樓底高而且空間感十足！仲有室外位置⛅️，天氣涼啲嘅時候坐室外真係幾chill～🧁Tea Set Menu 下午茶餐單🫖🤍咸點小吃🐮澳洲M8和牛他他和牛他他新鮮香濃，口感嫩滑，底下嘅多士好脆口！🐔日式照燒雞三文治包身鬆軟夾住雞肉片，雞肉幾滑身。🧀巴馬火腿配艾曼塔芝士鹹鹹地嘅芝士粒配上鹹香嘅巴馬火腿，加埋一齊又幾夾～🐖香辣豬肉串原本豬肉串會唔會鞋口，點知入口同雞肉差唔多咁滑，加上有唔少嘅辣椒絲，食落幾惹味！🍅油漬車厘茄配巴馬臣芝士車厘茄上面刨咗好多巴馬臣芝士，一咬食落口有豐富嘅車厘茄汁同芝士嘅鹹香～🐟日本三文魚籽撻撻餡有鮮甜嘅三文魚籽同海葡萄，仲有creamy嘅薯仔蛋沙律，下面有清新嘅車厘茄同青瓜，口感好豐富！撻皮好似薯片咁脆添！🤍精選甜點🫐鮮果芝士撻撻皮鬆化脆身，充滿牛油香味，裏面嘅芝士醬好似流心芝士撻嘅口感，加埋香甜嘅藍莓食好好味！🥭芒果拿破崙拿破崙香脆可口，夾住芒果肉同埋芒果吉士醬，甜度適中。🍫朱古力蛋
🧁Tea Set Menu 下午茶餐單🫖
🤍咸點小吃
🐮澳洲M8和牛他他
和牛他他新鮮香濃，口感嫩滑，底下嘅多士好脆口！
🐔日式照燒雞三文治
包身鬆軟夾住雞肉片，雞肉幾滑身。
🧀巴馬火腿配艾曼塔芝士
鹹鹹地嘅芝士粒配上鹹香嘅巴馬火腿，加埋一齊又幾夾～
🐖香辣豬肉串
原本豬肉串會唔會鞋口，點知入口同雞肉差唔多咁滑，加上有唔少嘅辣椒絲，食落幾惹味！
🍅油漬車厘茄配巴馬臣芝士
車厘茄上面刨咗好多巴馬臣芝士，一咬食落口有豐富嘅車厘茄汁同芝士嘅鹹香～
🐟日本三文魚籽撻
撻餡有鮮甜嘅三文魚籽同海葡萄，仲有creamy嘅薯仔蛋沙律，下面有清新嘅車厘茄同青瓜，口感好豐富！撻皮好似薯片咁脆添！
🤍精選甜點
🫐鮮果芝士撻
撻皮鬆化脆身，充滿牛油香味，裏面嘅芝士醬好似流心芝士撻嘅口感，加埋香甜嘅藍莓食好好味！
🥭芒果拿破崙
拿破崙香脆可口，夾住芒果肉同埋芒果吉士醬，甜度適中。
🍫朱古力蛋糕
食落口原來係brownie，朱古力味好香濃，仲有粒粒杏仁係裏面。
🍩馬卡龍
有兩款口味，分別有開心果味同焦糖味，馬卡龍鬆化有杏仁香味！
📍 紅館 (中環)
中環干諾道中50號地下B號舖
Post
