Video
Read full review
2021-12-12
161 views
最近留意到越嚟越多新開嘅鮨店，為咗慰勞下自己，忙裡偷閒之中嚟到中環依間Sooshi Gold實行毒撚自私食Omakase計劃😛• Omakase $498午市嘅omakase分咗兩款，一款係以壽司為主，而另一款就有埋刺身，今次揀咗後者試試佢～刺身方面先吃間八魚薄切，亦即體長2m以上嘅大型鰤魚，口感煙韌有彈性，配柚子醋啫喱及生紫菜，少少酸味打開味蕾。剝皮魚質感細緻，拌以自身嘅肝醬入口creamy同濃郁！天然真鯛比養殖嘅真鯛甜度更明顯，卷上根室赤海膽，一淡一濃形成強烈對比😳日本真蠔海水味不太強烈，反而突顯蠔肉本身嘅鮮味～刺身拖羅共有兩食，一件配搭魚子醬做成嘅薄片，帶點鹹味，另一件就做咗炙燒，迫出魚油味道更甘香☺️壽司方面有深海池魚、帆立貝、秋刀魚、牡丹蝦配蝦膏同赤海膽。深海池魚同秋刀魚依兩款最近經常食到，新鮮度好高，冇特別花巧嘅配搭，食出食材嘅原味。帆立貝𠝹咗花令到口感更軟滑，帶有柚子清香。加咗炙燒蝦膏嘅牡丹蝦非常香口，最愛蝦肉黏糯嘅texture。而海膽就更加係冇得輸，濃郁又鮮甜，完全係味覺嘅享受🧡尾聲仲有拖羅蓉手卷，拖羅蓉仲多過飯，食落紫菜夠脆口，加上拖羅魚油嘅芳香
• Omakase $498
午市嘅omakase分咗兩款，一款係以壽司為主，而另一款就有埋刺身，今次揀咗後者試試佢～
刺身方面先吃間八魚薄切，亦即體長2m以上嘅大型鰤魚，口感煙韌有彈性，配柚子醋啫喱及生紫菜，少少酸味打開味蕾。剝皮魚質感細緻，拌以自身嘅肝醬入口creamy同濃郁！天然真鯛比養殖嘅真鯛甜度更明顯，卷上根室赤海膽，一淡一濃形成強烈對比😳
日本真蠔海水味不太強烈，反而突顯蠔肉本身嘅鮮味～刺身拖羅共有兩食，一件配搭魚子醬做成嘅薄片，帶點鹹味，另一件就做咗炙燒，迫出魚油味道更甘香☺️
壽司方面有深海池魚、帆立貝、秋刀魚、牡丹蝦配蝦膏同赤海膽。深海池魚同秋刀魚依兩款最近經常食到，新鮮度好高，冇特別花巧嘅配搭，食出食材嘅原味。帆立貝𠝹咗花令到口感更軟滑，帶有柚子清香。加咗炙燒蝦膏嘅牡丹蝦非常香口，最愛蝦肉黏糯嘅texture。而海膽就更加係冇得輸，濃郁又鮮甜，完全係味覺嘅享受🧡
尾聲仲有拖羅蓉手卷，拖羅蓉仲多過飯，食落紫菜夠脆口，加上拖羅魚油嘅芳香真係好正！
所有嘅午市套餐都會包括埋沙律、茶碗蒸同湯添㗎👏🏻
Post
