塩 (Closed)

冇誇張 坐落高臺榻榻米以為自己喺日本 感動到有啲想喊 聽到你的名字主題曲 差啲尖叫 我到底有幾壓抑🤣🍳蘭王親子丼💰HKD128 +30【轉keto🥗底】（Rating：7.4/10）個蛋黃見到已經心心眼😍買唔到日本雞蛋嘅我而家好掛住😂加$轉咗做沙律底 分開上 寫明係120g幾均真 親子丼食落鹹鹹甜甜 高湯味道突出 我喜歡食啲菇🍄另外小滑豆腐配魚子 麵豉湯裏面有雞肉粒都幾好👍缺點係個親子丼鍋裏面雞肉偏少 可能係得三四粒麥提莎大小 我覺得可以多少少🤣鍋裏超過一半以上都係洋蔥 特別我改咗唔係食飯 就覺得份量偏細🍣三文魚幽庵燒💰HKD198（Rating：8/10）朋友呢份個三文魚好飽滿好靚！試咗一啖個魚真係幾好食 係可encore嗰種 夠厚且飽滿 微脆身裏面啲肉紮實又帶滑 一定超好送飯😌另外都有跟沙律豆腐同雞肉麵豉湯 講真如果有穀米 我應該會叫呢個😎餐廳好新 中環中心地段地舖 一入舖踩木梯上二樓好闊落勁靚 早陣子去仲做緊新張期間全單85折 不過暫時休業🥺可以bookmark定遲啲去！