sundazed

Open Now

Now Closed

之前見呢間舖頭一開嘅時候成日都要排隊，所以今次週末嚟嘅時候見冇乜人就諗住幫襯吓。第一次我試咗個熱嘅抹茶latte $38，覺得個抹茶味道非常淡，奶味比較重，有啲似抹茶味嘅奶😂。而且呢一間嘅甜度係冇得選擇，一定要飲佢哋嘅固定甜度。我個人就覺得個熱飲偏甜。不過第二次試嘅時候就試咗佢嘅凍嘅抹茶latte $38。🍵抹茶嘅味道濃好多，而且唔係太甜，配個鮮奶亦都唔錯，飲落好滑。唔知係咪兩次嘅烹調方法有唔同，味道分別都幾大。如果下次再飲的話就一定會揀凍飲🧊，亦都想試吓佢哋嘅甜品。不過見啲甜品嘅新地杯就比較貴。