Amazake (Closed)

自從疫情後好少帶父母出街食, 今個星期六帶咗佢地去我中環經常去嘅一間餐廳食, 鍾意佢地唔係連鎖一式一樣咁, 而且食物新鮮, 一直保持到水準,而且服務好好。自選自己喜愛嘅刺身, 每次食都好新鮮,而且仲係厚切架,食落特別有口感。天婦羅炸得香口, 有蝦、魚、雜菜廚師精選串燒 (每次必點, 因為唔洗諗,咩都可以試)日式玉子燒係weekly menu入面, 超級驚喜好味,如果餐廳可以keep住做就好啦!軟殼蟹卷都係好好味, 唔想食咁多刺身嘅卷物,可以食呢個。鹽燒油甘魚"較" 好多肉, 同埋入面好juicy!煙薰吞拿魚面頰 好香煙薰味,值得一試,出面好似未食過