Video
Read full review
2019-07-05
1298 views
The Balcony (中環)中環皇后大道中118號3樓-----係一個月黑風高嘅夜晚 B仔突然間好想飲龍蝦湯😂想飲到不得了 一定要即刻飲 覺得自己唔飲會訓唔著 上網做咗一輪research之後 就鎖定左呢間離公司好近嘅西餐廳 捉朋友仔黎陪我食 試下佢地有包龍蝦湯嘅二人餐（$588加一 包左兩款前菜 兩份秘製龍蝦湯 兩款主菜 甜品同飲品）-◆前菜1-凍八爪魚配牛油果蕃茄醬：擺盤非常精緻美麗 番茄🍅牛油果醬具備蕃茄嘅酸酸甜甜 又帶有牛油果嘅幼滑質感 切片嘅八爪魚新鮮又爽口 撈埋醬汁食 極度開胃 為成餐Dinner開左個靚頭～食完令人心情愉快（可能因為冰涼透心 食完感覺特別舒暢）-◆前菜2-煎北海道帶子配波蘭汁：帶子煎得外脆內嫩 帶子下面有一舊醃製過嘅白蘿蔔 同關東煮差唔多味道 仲有雞蛋碎 同獨特嘅波蘭汁 幾樣食材都好似風馬牛不相 但經廚師精心調配之下 食落完全冇違和感 😄-◆秘製龍蝦湯：B仔食呢餐飯 就係衝住個湯而黎 當然對佢期望非常高 所以當個湯送到嘅時候 B仔失望左幾秒 雖然湯上面D拉花好靚 但真係比較細杯 係用細咖啡杯裝住D湯（上網D相可能近距影 所以望落大D）不過飲左一啖之後
中環皇后大道中118號3樓
-----
係一個月黑風高嘅夜晚 B仔突然間好想飲龍蝦湯😂想飲到不得了 一定要即刻飲 覺得自己唔飲會訓唔著 上網做咗一輪research之後 就鎖定左呢間離公司好近嘅西餐廳 捉朋友仔黎陪我食 試下佢地有包龍蝦湯嘅二人餐（$588加一 包左兩款前菜 兩份秘製龍蝦湯 兩款主菜 甜品同飲品）
-
◆前菜1-凍八爪魚配牛油果蕃茄醬：擺盤非常精緻美麗 番茄🍅牛油果醬具備蕃茄嘅酸酸甜甜 又帶有牛油果嘅幼滑質感 切片嘅八爪魚新鮮又爽口 撈埋醬汁食 極度開胃 為成餐Dinner開左個靚頭～食完令人心情愉快（可能因為冰涼透心 食完感覺特別舒暢）
-
◆前菜2-煎北海道帶子配波蘭汁：帶子煎得外脆內嫩 帶子下面有一舊醃製過嘅白蘿蔔 同關東煮差唔多味道 仲有雞蛋碎 同獨特嘅波蘭汁 幾樣食材都好似風馬牛不相 但經廚師精心調配之下 食落完全冇違和感 😄
-
◆秘製龍蝦湯：B仔食呢餐飯 就係衝住個湯而黎 當然對佢期望非常高 所以當個湯送到嘅時候 B仔失望左幾秒 雖然湯上面D拉花好靚 但真係比較細杯 係用細咖啡杯裝住D湯（上網D相可能近距影 所以望落大D）不過飲左一啖之後 失望嘅感覺又即刻冇晒 龍蝦味道非常鮮甜濃郁 質感頗稠 簡直有種好似將原隻龍蝦榨左汁嘅感覺 覺得自己好似飲緊龍蝦版espresso 如果可以大杯D真係perfect池～😝
-
◆主菜1：慢煮羊膝配意大利粉：羊膝大大件又啖啖肉 煮得軟腍入味 易切易咬 慢煮過係唔同D 愛羊肉之人一定會一試愛上 意大利粉就正正常常 不過不失 其實都唔錯 不過風頭被出色嘅羊膝蓋過🐏
-
◆主菜2：西班牙豬扒配香菇意大利飯：豬扒非常大塊 只係用簡單胡椒同海鹽調味 已經夠味 肉質堅實彈牙 帶微微嫩粉色 肉汁緊鎖係入面 食落多汁且豬肉味濃 而蘑菇意大利飯亦烹調得唔錯 汁份量剛好 飯底濕潤得黎唔會太多汁 飯入面加左芝士 啖啖都有少少拉芝效果 如果可以煮得腍身少少 個人會更中意🐷
-
◆甜品拼盤：有Tiramisu同薑味雪糕 Tiramisu好味 不過薑味雪糕就更有驚喜 薑味非常濃郁 微辣中帶一點甜 唔會太膩又具特色
-
◆飲品：揀左一杯蘋果汁同橙汁 如果無認錯 應該係純品樂嘅味道 雖然係即飲果汁界算還可以嘅品牌 但如果可以鮮榨 相信客人會更Impress😄（希望店家見到我呢個小建議）
-----
👶🏻B仔整體評價：7.5/10個👍🏻
👶🏻B仔抵食程度：7/10個👍🏻
👶🏻B仔環境評分：7.5/10個👍🏻
（無靚景 但裝修溫馨舒適 有食緊西餐私房菜嘅感覺）
👶🏻B仔味道評分：8/10個👍🏻
👶🏻B仔回頭機會：8/10個👍🏻
（雖然係細廚房 但廚師烹調技巧頗出色 值得回頭再試其他菜式）
-----
#swallowhongkong
跟住我一齊吞食香港啦！🤤
#swallowcentral
Post
