Video
Read full review
2020-09-26
275 views
朋友請食升職飯, 揀左中環既樓上餐廳The Balcony。餐廳唔算大, 裝潢雖然簡單但感覺舒適, 特別係天花用左藍天白雲既牆紙, 更有輕鬆寫意既感覺。我地6點幾WALK IN仲有位, 晏少少FULL HOUSE左, 好彩今日早左黎, 正常DINNER TIME建議大家BOOK左枱先啦~Set Dinner for TwoChef's Salad新鮮沙律菜配上黑醋, 特別加左鴨胸粒落去, 成個沙律既味道即時豐富左好多~胡椒吞拿魚配烚蛋芥末汁兩成左右熟既吞拿魚, 厚身得黎入口非常軟嫩, 黑胡椒帶出微微辛辣同時更提昇吞拿魚既鮮味, 芥末汁帶出微微芥末香氣, 絕對唔OVER, 好夾!意大利風乾火腿, 水牛芝士配無花果黑醋汁Parma Ham比得唔姑寒, 大大塊而且唔會碎濕濕, 帶有淡淡紅色, 入口綿滑, 越咬越釋出鹹香味道, 好正! 無花果黑醋汁十分香甜, 酸度同質感都醇厚, 加上水牛芝士, 絕配。龍蝦湯龍蝦湯小小一杯, 入口順滑。慢煮羊膝配意大利粉羊膝好巨型, 如此大既羊膝係慢煮方法下煮到口感一致, 唔韌又唔會過腍, 有羊香而不酥。醬汁簡單用左蕃茄同蘿蔔烹煮, 有天然既酸甜味, 加上意粉
餐廳唔算大, 裝潢雖然簡單但感覺舒適, 特別係天花用左藍天白雲既牆紙, 更有輕鬆寫意既感覺。我地6點幾WALK IN仲有位, 晏少少FULL HOUSE左, 好彩今日早左黎, 正常DINNER TIME建議大家BOOK左枱先啦~
Set Dinner for Two
Chef's Salad
新鮮沙律菜配上黑醋, 特別加左鴨胸粒落去, 成個沙律既味道即時豐富左好多~
胡椒吞拿魚配烚蛋芥末汁
兩成左右熟既吞拿魚, 厚身得黎入口非常軟嫩, 黑胡椒帶出微微辛辣同時更提昇吞拿魚既鮮味, 芥末汁帶出微微芥末香氣, 絕對唔OVER, 好夾!
意大利風乾火腿, 水牛芝士配無花果黑醋汁
Parma Ham比得唔姑寒, 大大塊而且唔會碎濕濕, 帶有淡淡紅色, 入口綿滑, 越咬越釋出鹹香味道, 好正! 無花果黑醋汁十分香甜, 酸度同質感都醇厚, 加上水牛芝士, 絕配。
龍蝦湯
龍蝦湯小小一杯, 入口順滑。
慢煮羊膝配意大利粉
羊膝好巨型, 如此大既羊膝係慢煮方法下煮到口感一致, 唔韌又唔會過腍, 有羊香而不酥。醬汁簡單用左蕃茄同蘿蔔烹煮, 有天然既酸甜味, 加上意粉本身索左羊膝既肉汁, 醬汁無需要多, 吊一吊味已經好好食。
新西蘭鱈魚柳配泡菜薯蓉
鱈魚柳表皮煎至微脆, 肉質結實彈牙, 調味只需少少鹽就可帶出其美味。有FUSION野泡菜薯蓉, 保留左薯蓉質感外仲有微微泡菜碎既口感, 泡菜味大於薯味, 不錯。
甜品
一件OPERA CAKE, 藍莓同埋雪糕球。OPERA CAKE小小一件味道十分濃郁, 雪糕球好特別, 係薑味既但卻又毫無違和感, 甜品當然要配埋杯靚咖啡, PERFECT!
Post
