Video
Read full review
2017-07-30
99 views
今晚同朋友約左食樓上私房菜，位於中環的小餐館，主打意大利菜，而且融合亞洲風格，所以味道更貼近東南亞人的口味。入座後，我地感覺到裝潢和氣氛都好輕鬆又溫暖，加上服務貼心。雖說La Casa意大利文爲「家」，但就裡的親切感更像到好朋友家，一點壓力都沒有，愉快渡過一個晚上。如果怕煩不想選擇太多，可揀tasting menu或 set dinner，都有齊前菜、餐湯、主菜、甜品及飲品，價錢也吸引。但若喜歡自由配搭，所有主菜加$80，就有前菜、餐湯、主菜及飲品。而且只要是套餐都可加$40有餐酒或雞尾酒，感覺頗易配搭。但係仲未滿足的我們，聽完店員講解後，仍難決定點餐，最後店員講仲有菜式係餐牌上無，原來有 隱藏菜式，應該是新出的菜式吧！價錢都是大約$328-368。有肉眼扒、油封鴨脾等等，所以我地二話不說，決定食隱藏主菜。先上餐包，烘得暖暖又香脆，而且是可以再添加，我地留肚食其他野，所以無加添麵包。簡單的配橄欖油與黑醋，黑色的麵包有大量芝麻，所以食落特別香又鬆軟。前菜選了香蒜檸檬葉白酒汁煮大蜆，湯汁已看到清而不膩，有淡淡酒香與香葉味，蒜味也不會好搶味，所有味道都是清淡得來味道平衡。大蜆特別飽滿厚肉，而
今晚同朋友約左食樓上私房菜，位於中環的小餐館，主打意大利菜，而且融合亞洲風格，所以味道更貼近東南亞人的口味。入座後，我地感覺到裝潢和氣氛都好輕鬆又溫暖，加上服務貼心。雖說La Casa意大利文爲「家」，但就裡的親切感更像到好朋友家，一點壓力都沒有，愉快渡過一個晚上。
如果怕煩不想選擇太多，可揀tasting menu或 set dinner，都有齊前菜、餐湯、主菜、甜品及飲品，價錢也吸引。
但若喜歡自由配搭，所有主菜加$80，就有前菜、餐湯、主菜及飲品。
而且只要是套餐都可加$40有餐酒或雞尾酒，感覺頗易配搭。
但係仲未滿足的我們，聽完店員講解後，仍難決定點餐，最後店員講仲有菜式係餐牌上無，原來有 隱藏菜式，應該是新出的菜式吧！價錢都是大約$328-368。
有肉眼扒、油封鴨脾等等，所以我地二話不說，決定食隱藏主菜。
麵包
11 views
0 likes
0 comments
簡單的配橄欖油與黑醋，黑色的麵包有大量芝麻，所以食落特別香又鬆軟。
香蒜檸檬葉白酒汁煮大蜆
4 views
0 likes
0 comments
大蜆特別飽滿厚肉，而且煮得剛剛熟，肉質好嫩帶點爽，加上湯汁同食更濕潤，幸好大蜆只有1-2隻有沙，所以都好滿意。
雜菜湯
4 views
0 likes
0 comments
蔬菜湯很適合女仕，因為有大量蔬菜，有洋蔥、紅蘿蔔、西芹、意大利瓜、西蘭花等等。別以為菜湯就好淡味，其實清甜肉湯味，既無油膩感，又有濃香肉味，真係越飲越開胃。
House Red Wine
17 views
0 likes
0 comments
餐廳準備的紅酒別小看，很易入口不刺喉，紅酒我不太熟識，但我覺得味道幾好，因為順喉餘韻輕輕留在口腔，但酒味不會過重，酸度也是輕輕的，所以我飲唒一杯。
安格斯肉眼牛扒
11 views
0 likes
0 comments
配燒新薯及火箭菜沙律，但最特別是旁邊的芝士脆片，脆卜卜又有濃郁芝士味，超級美味。
牛扒點了五成熟，切開見到粉紅色嫩肉已經好正，而且切牛扒時無流失到肉汁，要一讚廚師做得好好，因為肉汁封鎖唒在牛扒內，反而入口咬時，肉汁隨即流出，越食越多肉汁，味道越濃郁，加上調味到位，不用燒汁已經好食。但我也沾了點燒汁食，原來驚喜在於醬汁，味道很香濃的醬汁，有別於其他餐廳的普通燒汁，細問之下，原來餐廳用大量骨來做醬汁，經長時間煲煮令湯汁變成濃郁醬汁，真想再添麵包來沾醬汁食，太美味啦。
食完主菜就order飲品，熱檸檬茶溫和解膩。
心太軟伴雪糕
9 views
0 likes
0 comments
輕輕切開，朱古力漿緩緩流出，效果做得很好。鬆軟朱古力蛋糕，沾上熱辣辣的朱古力漿與冰凍雪糕同食，有雪糕的中和，令甜品更濕潤滋味，味道既不太甜，又有濃郁朱古力味，加上冷熱交錯的質感，令人忍不住一口接一口。
Post
