令酒場 (Closed)

喺中環做咗咁耐嘢先知道，原來公司附近有間咁正嘅居酒屋，真係相逢恨晚🥲好彩依家知道都唔遲，一於多啲幫襯😆♦️時令刺身盛盒♦️好華麗嘅刺身組合，矜貴日本直送大吞拿魚腩 、日本海膽、深海池魚、帆立貝、金目鯛、南非鮑魚、赤蝦，樣樣新鮮，同喺日本食到嘅無分別🌊♦️池魚薄切♦️追加一份薄切池魚，白裡透光刀功無得頂🔪魚肉有咬口帶有淡淡嘅魚味，鍾意食白身魚嘅人一定like 👍🏻♦️令海之幸太卷♦️拖羅蓉太卷，再加上少許魚子醬點綴，正😍♦️三文魚籽海膽和牛卷♦️炙燒和牛包住海膽壽司，面頭有大大粒三文魚籽，依個組合真係神仙級美食😚♦️蟹甲羅燒♦️燒得甘香惹味，附送多士俾你伴蟹膏食，口感同味道都一流😋