Cafe Siam (The Plaza ) (Closed)

一直都有聽講過呢間餐廳，但係冇黎試過。今次朋友終於訂咗，佢lunch係有set嘅，有一個前菜+ 主菜 +甜品，嘢飲唔包嘅，飲水呢要加八蚊，價格大約$108 - 138 (再加一).佢前菜有青木瓜沙律，冬陰功湯或者其他湯揀嘅。我就揀咗木瓜沙律，但佢都幾多辣椒，有d 太辣。主菜我叫咗一個青咖哩，可以配雞牛豬或者係雜菜嘅，我揀咗雞肉，唔係好多肉但係唔抹甜甜地，好味嘅。 但你睇圖片都見到佢好奇怪，因為佢嘅飯係勁滿，你食咖哩係要撈㗎ma，如果你將飯倒曬落咖哩又太濃味，因為你都見到啲咖哩係好多呀，但係你將咖喱倒落飯，飯個碗又唔夠大wor. 所以佢應該畀另一個碗之類囉我覺得。仲有甜品係一個椰汁西米糕，細細件，我唔記得影相，味道都正正常常啦。最後環境方面，間嘢呢係幾大嘅，但應該唔可能walk in, 今日weekday 去lunch 都幾full，佢環境裝修其實唔錯嘅， 我哋咁啱仲有窗邊位，不過一張枱同一張枱之間就比較近。