Video
Read full review
2018-01-19
125 views
今晚去睇音樂會，下晝去左中環行下，順便快食晚餐，畢竟係中環食飯想搵間平既都唔容易！見到呢間派傳單有coupon又送越南炸春卷，就入去快食～原本落樓梯後餐廳好大，有二十張檯，都幾舒適，闊落衛生，見到餐牌既選擇都唔少，除左一般越南小食湯粉麵，煲仔菜、燒物、酸湯都有，夠曬多元化～今晚想食得清啲，於是我地叫左火車頭湯河、香茅豬頸肉米紙卷、馬拉盞炒芥蘭、串燒大虎蝦，再用優惠券送越南炸春卷火車頭好大碗，share食都得，配料幾豐富，生牛肉係必備之外，仲有牛柏葉、牛腩、牛丸、牛筋，啱曬好牛肉人士！湯都幾清甜！河粉好滑！比起上星期去大X食既火車頭較為出色米紙卷係加$18換既，一樣唔細份，多菜清清地唔錯，旁邊既伴碟係醃蘿蔔絲，酸酸甜甜幾開胃～裡面配料唔夠多～一咬落去爆曬出黎就正喇至於馬拉盞炒芥蘭好大碟！炒得一啲都唔油之餘食極都仲有，味道唔夠馬拉盞似蝦醬/豆瓣醬多啲～但係都唔差送既炸春卷有足足4條仲跟生菜！啱啱炸起非常熱夠香口，沾埋甜酸醋包生菜就最正！反而串燒大虎蝦相對上比較失色，蝦雖然新鮮但燒得老左啲～飲品我地叫凍咖啡同龍眼冰都唔錯，越南話曬出名咖啡，龍眼冰都好足料有好多粒龍眼，味又夠唔會過甜，係呢度有
原本落樓梯後餐廳好大，有二十張檯，都幾舒適，闊落衛生，見到餐牌既選擇都唔少，除左一般越南小食湯粉麵，煲仔菜、燒物、酸湯都有，夠曬多元化～
今晚想食得清啲，於是我地叫左火車頭湯河、香茅豬頸肉米紙卷、馬拉盞炒芥蘭、串燒大虎蝦，再用優惠券送越南炸春卷
火車頭好大碗，share食都得，配料幾豐富，生牛肉係必備之外，仲有牛柏葉、牛腩、牛丸、牛筋，啱曬好牛肉人士！湯都幾清甜！河粉好滑！比起上星期去大X食既火車頭較為出色
米紙卷係加$18換既，一樣唔細份，多菜清清地唔錯，旁邊既伴碟係醃蘿蔔絲，酸酸甜甜幾開胃～裡面配料唔夠多～一咬落去爆曬出黎就正喇
至於馬拉盞炒芥蘭好大碟！炒得一啲都唔油之餘食極都仲有，味道唔夠馬拉盞似蝦醬/豆瓣醬多啲～但係都唔差
送既炸春卷有足足4條仲跟生菜！啱啱炸起非常熱夠香口，沾埋甜酸醋包生菜就最正！
反而串燒大虎蝦相對上比較失色，蝦雖然新鮮但燒得老左啲～
飲品我地叫凍咖啡同龍眼冰都唔錯，越南話曬出名咖啡，龍眼冰都好足料有好多粒龍眼，味又夠唔會過甜，係呢度有呢個價位既餐廳味道又唔錯算係幾好，每人唔使$100落樓，係中環區搵平野都可以試下黎～
Post
