Rang Mahal Authentic Indian Cuisine (Closed)

聽朋友仔講中環有間食印度自助餐既餐廳幾好味，今日去就去試一下! 門前接待員同廚師都係印度人黎，感覺上會幾正宗~ 以88蚊一位既價錢，可以任食而且有飲品供應係呢個地區黎講相當抵食，大約有8款咖哩同埋一啲印度較出名既小食，仲有2款甜品其中咖哩既款式都幾特別，有比較小見既咖哩蛋，味道似紫菜既咖哩薯仔，雜豆同南瓜。當中雜豆比較辣，其他都係甜甜的南瓜拌印度飯味道好夾，鮮甜既南瓜配口感似米粉既飯真心唔錯！有一款咖哩豆，好特別，口感似紅豆，鮮甜而又唔辣，用以拌飯都好適合！好鐘意食呢度既印度雞件，紅卜卜，好似乾身，但係肉汁十足架！而味道亦好香濃，唔太好食雞既我都食左好多舊！ 推介呀～炸物方面有春卷，三角型既炸雜豆薯蓉同埋薯餅，乾身，不油膩，個人比較鐘意食佢既春卷，好鬆脆而唔會覺得好熱氣。 薯餅食落就比較粉粉，雖然薄身不過都易飽除左任食之外，小店仲提供飲品可以自由飲用，檸檬茶味道濃郁，茶味清香，比起港式既相對無咁甜甜品腔既我，點都會留肚試下個甜品啦！有甜湯丸，賣相好吸引，初時以為係用糯米粉造既，食落口原來係好似麵包布甸，入面吸左好多蜜糖，個人覺得好甜, 但蜜糖味相當濃郁!另外一款就好似雞蛋布甸同一絲絲好