珺

Open Now

Now Closed

小時候同家人食素，大多會諗起齋鹵味、五柳仙班、羅漢齋炒麵。 而家食素就多元化好多，趁green Monday黎試吓中環呢間fusion vegan 餐廳。🍴蕃茄牛油果素蟹肉千層原個涼拌蕃茄清涼爽甜，一刀切開入面紅白色既素蟹肉，加上一粒粒既黑醋啫喱，帶出鮮味！ 🍴雙色蘆筍鮮百合炒素魚翅雙色係指青蘆筍、白蘆筍兩者其實同種，白露筍係未吸收陽光，所以質感比較細嫩，味道鮮甜。蘆筍可以預防心血管病、有助免疫力。健脾胃既鮮百合，口感爽脆清甜，好時令既配搭，入口好有消暑感覺！金黃閃爍既素魚翅煙韌彈牙，加埋白靈菇、三色椒顏色更鮮艷！ 🍴黃金素鵝肝球佐松露白汁切開金黃脆球，入面既素鵝肝好creamy，有鵝肝醬香滑既質感，配上松露汁，香味撲鼻！ 🍴玫瑰芥末鳳尾蝦 素蝦係用蒟蒻製成，有哂蝦既造型仲有蝦紅素，有油炸蝦既香脆外層。醬汁酸酸甜甜，仲有芥末嗆鼻既味道，幾醒胃！ 🍴脆皮燕麥奶酥脆炸粒外層，包住燕麥奶球，燕麥奶不含乳糖，啱哂我呢種有乳糖不耐症既人，又可減少碳排放！ 另一款係🍴純素朱古力蛋糕朱古力味香濃，入口似brownie 既質感，又唔太甜。