Brick by Brick

Open Now

Now Closed

半山行人電梯兩側真係好多好嘢食，行到馬莎隔離既小巷入面就有間南洋馬拉菜既Brick by brick。好鍾意佢既肉骨茶，食過返尋味！二人餐幾啱食，有頭盤、喇沙x肉骨茶、餐飲。小食頭盤揀左三得利黑啤雞翼，醬汁極黑出色，味道主調甜甜地有麥芽香，炆煮夠火喉，雞肉軟淋入晒味。話雖雞翼，原來仲係全翼，有雞搥，啖啖肉之外骨邊軟骨都好好食😋主食緊接上菜先有大大碗足料喇沙，配料自選upgrade既珍寶大蜆海蝦，咁先似原汁原味海鮮喇沙。最愛掺掺，幼滑米粉mix肥嘟嘟油麵條，爽口芽菜，湯汁濃白充滿椰香，微微辛香感！ 蜆肉好鮮嫩，加上肉厚海蝦、溏心蛋、生菜，加幾滴青檸汁超開胃！ 重頭戲黑湯肉骨茶，湯汁滾熱卜卜跳彈，最有heart係用瓦煲上，煲內滿滿一字骨。肉骨茶要趁熱食，先飲幾口精華肉湯，不單止有藥材香，店主因應時令適度調配白胡椒比重，入胃不單止達到驅寒温暖，即刻有種能量焕發感，食後温而不燥！肉骨茶配有黑醬油、蒜蓉、辣椒絲可調味，跟油條浸湯食好對板。一字骨肉香軟淋，軟筋位都好輕脆可口，菇菌配料之外，豆卜吸湯美味，又有原粒蒜頭，製作認真！☕️ 話梅桃膠羅漢果茶，甘甘甜甜好滋潤養生。🍵柚子伯爵茶，清新口感。