Video
Read full review
2021-04-21
8805 views
今年第一餐生日飯請左日Birthday Leave，訂左呢間米芝蓮一星(2019-2021)既意大利餐廳「Octavium」食Lunch定叫下午茶/Early Dinner好? 因為無晚市，六點後禁堂食🤭 我地15:30食到尾🤣 但係都無阻我地慶祝既心😍 .餐廳2017年開始營業，Resident Chef係Roland Schuller! 室內既設計好簡約，落地玻璃，光線好夠，枱同枱之間有好多空間。相對地會多啲私穩👍🏾 今日餐廳為我地安排左窗邊既位置☺️ 當我坐低既時候，Staff就會問你要有汽水定無汽嘅樽裝水($88/btl) .酒是必須的，知道朋友一定會帶酒同我慶祝，我都帶左枝1997 Giuseppe Quintarelli Recioto della Valpolicella Classico DOCG😌 店員告知我地可以叫枝House Champagne 🍾 就可以免兩枝開瓶費，甘唯有叫囉🤣 正日生日喎🤭 輕鬆飲🙈.我地叫完酒就送上📌麵包拼盤麵包有三種，暖笠笠而又外脆內軟既法式圓麵包、薄片脆脆，同碎芝士長條餅。店員仲送上橄欖油(仲刮左啲新鮮檸檬皮落橄欖油度，加添層次👍🏾).每
.
餐廳2017年開始營業，Resident Chef係Roland Schuller! 室內既設計好簡約，落地玻璃，光線好夠，枱同枱之間有好多空間。相對地會多啲私穩👍🏾 今日餐廳為我地安排左窗邊既位置☺️ 當我坐低既時候，Staff就會問你要有汽水定無汽嘅樽裝水($88/btl)
.
酒是必須的，知道朋友一定會帶酒同我慶祝，我都帶左枝1997 Giuseppe Quintarelli Recioto della Valpolicella Classico DOCG😌
店員告知我地可以叫枝House Champagne 🍾 就可以免兩枝開瓶費，甘唯有叫囉🤣
正日生日喎🤭 輕鬆飲🙈
.
我地叫完酒就送上
📌麵包拼盤
麵包有三種，暖笠笠而又外脆內軟既法式圓麵包、薄片脆脆，同碎芝士長條餅。店員仲送上橄欖油(仲刮左啲新鮮檸檬皮落橄欖油度，加添層次👍🏾)
.
每道菜上之前都會有人講解點煮，有咩配料，非常專業👍🏾 而且起碼食完都知道自己食緊啲咩，可以俾我宜家寫番出嚟🤭
.
📌龍蝦春卷
係Chef Bjoern Alexandar 設計既菜式，外脆內軟既春卷，入面既餡係爽口嫩滑既龍蝦肉，再配上自家製微甜既Mayo sauce，伴以沙律菜，應該係全香港最貴既一條春卷🤣
.
📌北海道帶子辣意粉
醬汁係XO 醬，帶子味道超級鮮甜，意粉Al dente，口感彈牙，好惹味😋👍🏾
.
📌Beef Sirloin
已預先切成四塊既牛扒，烹煮後中間仍然保持鮮嫩既粉紅色，肉汁豐富，肉質軟腍，但牛味唔算濃郁！伴碟的椰菜苗比牛扒更好食🤣
.
📌意大利芝士拼盤配葡萄乾
正常發揮既芝士盤😌
.
📌 朱古力梳乎厘
食食下芝士再傾下計，突然有點左爉燭既朱古力梳乎厘送上😳! 喂呀! 雖然我知係生日飯，但無諗過會有蛋糕環節🥺 梳乎厘朱古力味香濃，熱辣辣，好食! onside仲加配左個Hazelnut Gelato🥺👍🏾 碟邊係寫左壽星妹個名既 不過我cut起左🤭
.
📌朱古力 Petit Four 🍫
我想講個朱古力堅係好好食😭
係佢地自家製既朱古力
.
由朝食到晚，餐廳望出德輔道中既景觀由光轉暗，兩個人飲左2.5枝酒🤭! 食物質素唔錯，服務一流，因為我地去到邊度食飯都好多問題問🤣 Staff都好有耐性又好專業！
P.S. 個洗手間凍到好似雪房甘
.
感謝你特意安排既豪華午晚餐❣️🤣
=========================
Post
