麻辣燙

Open Now

Now Closed

本身都鍾意食辣嘢，Weekend過咗嚟中環大館同Soho附近嘅「麻辣燙」食川菜，餐廳燈光用咗昏暗模式，裝修古色古香同帶啲fashion元素，座位都寬敞舒服，啱同朋友傾吓偈。我哋order咗lunch set，佢個lunch set都幾豐富:前菜總共分咗麻、辣、燙三款，有涼拌雞絲、木耳、茄子、酥炸秋葵同燈影牛肉，三小碟咁擺好精緻。前菜各有特色，個人比較鍾意燈影牛肉，口感好似牛肉薄脆咁脆卜卜，外層帶點鹹甜咁幾惹味，至於木耳同秋葵都整得爽口湯類就揀咗酸辣湯，入口唔會嗆，酸同辣嘅味道拿捏得算平均主菜order咗孜然羊仔柳同水煮牛肉，份量都多，羊仔柳冇咩羊羶味而且肉質軟腍，至於食川菜就梗係要食水煮牛肉，牛肉有口感而且整得軟腍入味XO醬炒米粉同麻辣素菜炒飯，飯同麵都帶點麻辣香，而且個米粉幾幼幾滑仲有薑汁湯圓做甜品，湯圓係芝麻味，配埋個湯圓湯底，飲落都幾重薑味，辣辣地又暖笠笠整體餐廳嘅食物擺盤，食材選取，餐廳裝修同服務質素都唔錯，唯一係佢嘅麻辣比較mild，應該係迎合返中環比較多外國客既口味。如果食得辣嘅朋友，建議可以 order時request加麻辣，應該會更加香口惹味