Woke (Under Renovation)

今日同老公慶祝周年紀念，所以就決定去搵間靚靚餐廳食飯同埋打卡慶祝一下，我哋上網見到呢間餐廳喺我哋返工附近，而且餐廳入面裝修都非常之靚，有好大風嘅花牆可以打卡。我哋就book咗位去食😚🌟鴨加鵝肝法式凍批，鴨肉包條，法國鵪鶉而家好少地方會用鵝肝，通常都係用鴨肝，呢間餐廳就用晒鴨肝同埋鵝肝，食落去嘅時候油脂感非常之重，非常之滿足。🌟銀鱈魚，長臂蝦，冬陰功忌廉泡沫呢度餐廳仲有好多唔同嘅海鮮，我哋都叫咗銀雪魚你試吓，佢銀雪魚就會配長鼻蝦同埋冬陰功忌廉泡沫。將冬陰功忌廉泡沫加埋落銀雪魚一齊食，令到個味道更加豐富☺️🌟法國黃雞脾我哋仲叫咗一個法國黃雞髀，佢除咗有好大隻雞髀之外，佢都仲有好多其他豐富嘅配料令到成個雞髀更加出色。就例如佢哋會有野菌蓉，火腿，露荀，黑色松露泡沫，黑松露片。🌟龍蝦肉，意式香草蕃茄汁意粉除咗與之外我哋都叫咗龍蝦肉意粉，因為睇相見到佢有好大隻嘅龍蝦肉，不出奇見佢嘅龍蝦肉非常多肉，咬落去淡淡都係肉而且肉質非常彈牙爽口😚🌟藍蟹肉南瓜湯最尾我哋都叫咗個蟹肉南瓜湯，呢個南瓜湯真係好足料，有好多蟹肉係入面，而且好濃郁嘅南瓜味！