興中會 (Closed)

今晚朋友約食飯，依間餐廳位於中環嘅蘇豪區，餐廳嘅性質都幾特別，係一間食中式點心為主嘅酒吧。原來點心都幾受外國人歡迎，入到鋪頭入邊幾台客人都係西人為主。餐廳嘅燈光較為暗，環境都幾浪漫。是日中湯— 餐廳標榜呢個湯唔落味精，一於叫黎試吓。嗰日嘅湯係羅漢果西洋菜湯，絕對飲得出係慢火煲出嚟嘅老火湯，一定要叫。各式點心— 點心嘅水準高於出邊茶樓，燒賣勁大粒，用上新鮮豬肉同蝦肉製成，抵食！春卷係即炸，腸粉亦都係即刻煎，配上XO醬，諗起都回味。鮮雞雲耳荷葉飯— 餐廳亦都提供唔同嘅飯裏，我哋就冇選擇到炒飯，揀咗依個傳統嘅荷葉飯。雞件鮮味十足，配上雲耳同埋荷葉嘅香，成個飯都好好食。有時去開呢一區，通常都係食西餐或者酒吧嘅嘢食，有依啲特別啲新派啲嘅餐廳，都係一個唔錯嘅選擇。