中環茶記 (Closed)

最近又發現咗一間位於中環鬧市嘅茶記，好開心因為喺中環要揾價錢比較貼地嘅食肆唔太容易🙌🏻帶點時代感嘅裝潢，有手寫餐牌、霓虹招牌、綠色皮梳發，有啲懷舊嘅親切感食肆門口唔算大，但入面空間感好充足，樓底高樓面大，位置都多都幾好坐餐牌上選擇好多，小食、茶餐、鐵板餐、咖哩、焗飯、港式炒飯麵、家常小炒，夾埋數到六七十種嘢 而且價錢仲好貼地，啱晒一眾喺中環返工嘅小薯中薯韮王蝦仁炒蛋，82蚊俾十幾隻大粒蝦仁，爽口又無雪味，韮王新鮮味香蛋雖然唔係滑蛋，但鑊氣十足，蛋香味撲鼻🤪 好好食，餸飯一流咖哩牛腩飯，牛腩腍得嚟好重牛味，所有材料都大大舊，好大方同抵食薯仔燜得好粉😍 除咗配白飯，仲有葱油餅可供選擇咖哩汁幾香，如果再辣啲會更有港式風味👌🏻朋友叫嘅沙嗲牛肉菠蘿包套餐，餐飯係雙檸樂菠蘿包超大個，女仔一個人食分分鐘食唔晒😂 入面嘅沙嗲牛肉幾入味，牛肉大塊上晒汁仲好滑，呢個組合新鮮得嚟又幾好食雙檸樂係冰杯上，成罐可樂俾，咁嘅份量真係好抵皇牌焗豬扒飯，唔錯用嘅豬扒帶骨同肥肥地，近骨嘅部份好嫩滑，食落有脂肪香氣面頭芝士俾得好慷慨，𢳂飯時會有令人垂涎三尺嘅拉絲效果飯底係蛋炒飯底，香口乾身，啱晒鐘意食硬身飯嘅我蕃茄汁少少