Uncle Pizza, Pasta & Grill (Closed)

🐻中環辦工一員🐻👩🏽又出動，今日同朋友食lunch,我哋個個星期唔係食米線就係小雨天,食到已經好悶🤣,今日決定搞搞新意思,一間唔多人又唔太貴嘅舖頭試吓,朋友話呢排真係好想食pizza,咁我就搵搵😂🐻因為兩條友又食唔到太大嘅pizza所以就搵咗呢間Uncle pizza ，貪佢可以嗌個細size八吋兩條友食，餐廳唔算好大，但都坐得好舒服🍕🐻我哋叫咗帶子龍蝦扁意粉同情迷卡邦尼pizza，其實一上菜我同朋友都知道呢間嘢唔錯了，果然味道都係比我哋預期中好好多，意粉醬汁掛到啱啱好，意粉亦都好彈牙，嗰三粒帶子都係超好味，啱啱好熟！🐻Pizza方面就唔使講啦，個皮超脆又薄，上面嘅餡都好夠味，唔會cheese多到漏得滯又或者唔夠,真係俾我預期中好味好多，有時啲Pizza唔夠味，搞到我都唔想食咋，呢個絕對唔會，惹味得來又唔會過咸🍕🐻有時我好怕試新嘢，因為食咗冇咗quota就會好唔開心，估唔到今次搵新嘢食都冇中伏👻