Video
Read full review
2022-11-23
1730 views
天氣終於開始轉涼，朋友就提議食蛇羹，佢話想試吓中環老字號店「蛇王芬」。老實講我之前都只係食過兩次蛇🙈，冇乜特別喜好。中環店位於閣麟街，即係喺正半山扶手電梯隔離。我哋成日經過，但幫襯都係第一次。小店環境保留復古氣息，而且侍應生仲係一班銀髮族👴，不經意咁滲出人情味。秋冬鮑魚燴五蛇羹($140/每碗)，🐍蛇羮最細碗都要成百四蚊，真係唔平，不過確係真材實料。細細碗蛇羹蘊含多種食材，包括蛇肉、鮑魚、花膠、雞絲、冬菇、木耳、果皮同筍等。食落味道係唔錯，一啲都唔腥，仲有薄脆搭伴，而且質感唔會過於滑潺潺。腊味糯米飯($150/細)，🍚糯米飯配蛇羹係經典組合，只不過週末就冇得嗌套餐，細份量已足夠兩個人食！糯米飯用足料炒，當中唔少得臘腸、潤腸、臘肉同冬菇等，同時我覺得佢炒得好入味，亦唔會漿埋一餅，富油香；但朋友就略嫌唔夠乾身。廈門炒米粉($80)，🍜炒米大大碟，炒得夠鑊氣，係飽肚之選。米粉麵質彈牙，軟硬適中，配以適量嘅五柳菜一齊炒，味道甜甜酸酸，幾開胃。餸方面亦唔少，有好多隻蝦、火腿同蛋等。蒜蓉椒絲炒A菜($85)，🥦A菜其實即係油麥菜，質感爽脆，用上蒜蓉椒絲炒好穩陣，而且味味清清哋，唔油膩。總括嚟講，呢
天氣終於開始轉涼，朋友就提議食蛇羹，佢話想試吓中環老字號店「蛇王芬」。老實講我之前都只係食過兩次蛇🙈，冇乜特別喜好。
中環店位於閣麟街，即係喺正半山扶手電梯隔離。我哋成日經過，但幫襯都係第一次。小店環境保留復古氣息，而且侍應生仲係一班銀髮族👴，不經意咁滲出人情味。
秋冬鮑魚燴五蛇羹($140/每碗)，🐍蛇羮最細碗都要成百四蚊，真係唔平，不過確係真材實料。細細碗蛇羹蘊含多種食材，包括蛇肉、鮑魚、花膠、雞絲、冬菇、木耳、果皮同筍等。食落味道係唔錯，一啲都唔腥，仲有薄脆搭伴，而且質感唔會過於滑潺潺。
腊味糯米飯($150/細)，🍚糯米飯配蛇羹係經典組合，只不過週末就冇得嗌套餐，細份量已足夠兩個人食！糯米飯用足料炒，當中唔少得臘腸、潤腸、臘肉同冬菇等，同時我覺得佢炒得好入味，亦唔會漿埋一餅，富油香；但朋友就略嫌唔夠乾身。
廈門炒米粉($80)，🍜炒米大大碟，炒得夠鑊氣，係飽肚之選。米粉麵質彈牙，軟硬適中，配以適量嘅五柳菜一齊炒，味道甜甜酸酸，幾開胃。餸方面亦唔少，有好多隻蝦、火腿同蛋等。
蒜蓉椒絲炒A菜
$85
25 views
0 likes
0 comments
總括嚟講，呢日終於一嚐喺香港屹立多年嘅老店🇭🇰，果然別有一份情懷。雖然而家冇遊客，但都不乏撐場嘅本地客，扶老攜幼一同到訪。
Post
