順。越南牛肉粉

Open Now

Now Closed

餐廳：順。越南牛肉粉地點：中環街市菜式：越南菜餐牌：下午茶餐牌簡單，有湯粉（河/檬），撈檬同小食。去counter落order比錢之後等食物出。隔離就有位坐。蕃茄蟹膏蟹肉蝦丸扎肉湯檬 $72蕃茄蟹膏蟹肉蝦丸扎肉湯檬個湯果然係紅色，濃濃番茄味，甜甜地好好飲，呢個湯配幼身檬粉又幾夾。檬粉份量超多，食極都有，好滑溜！主角係一pat鹹香金黃色蟹膏同有唔少去殼蟹肉，好有蟹味，令成個湯好有蟹鮮味！蝦丸兩粒，呈淺橙色，都算彈牙。扎肉兩片，彈牙多汁。除左芽菜，仲有唔少新鮮番茄，面頭再加上芫荽。呢碗蕃茄蟹膏蟹肉蝦丸扎肉湯檬都幾豐富，而且味道又濃蟹味又濃鮮茄味，非常出色！順。生牛肉牛肉丸湯河 $62順。生牛肉牛肉丸湯河個湯好清，唔似有落味精，味道唔會太濃。生牛肉4大片，口感味道都唔錯。牛丸3粒，雖然較細粒，不過彈牙多汁。伴有洋蔥圈，大量蔥條，芽菜，蔥花同脆脆。另上一細片青檸同辣椒粒等你自己調味。河粉係幼身，好淋滑。自家手工牛肉丸湯 $56牛肉丸一客10粒，伴有白蘿蔔一塊，最後灑上蔥花。個湯都係好清，份量一大碗，飲唔晒。越南炸春卷 $48越南炸春卷一客4件，炸得外皮香脆，入面好足料，有肉，冬菇絲，同紅蘿蔔絲