Video
Read full review
2020-02-13
1231 views
【黃店推介 - 中環隱世平價越式小店 - 越僑🇻🇳】🐷🐷 💭中環返工嘅手足真係可憐, 又要過海又避唔開強國人, 商廈仲唔知幾時會有大型爆發!! 食飯又貴, 閒閒地$100 個lunch 依然要排隊先食到...今次就等豬仔介紹一間隱世黃色飯堂, 平均$5X就食到越式粉麵飯, 外賣自取特選餐仲平到$4X, 有野食有野飲!! 仲要係良心黃店!!🐷🐷💬1⃣XO醬越式炒飯 + 熱菜蜜 ($55)$55 喺中環可能連美心都未必夠錢食, 但喺度就食到個大大碟炒飯, 飯量真係好多, 圍起兩三個大碗都有, 味道偏重, 加上落左幾重手嘅XO醬, 係略嫌XO醬啲蝦米有啲硬身難咬, 影響口感! 碟飯對於鍾意重口味嘅豬仔就好岩食啦!!啲餸都唔少架, 除左最基本炒飯有嘅火腿片, 炒蛋之外, 仲有札肉, 蟹柳, 菜粒等等!! 飲品就叫左個唔使加錢嘅菜蜜, 滋潤下喉嚨, 好飲又健康!! 🐷🐷💬2️⃣河內熟牛肉配牛丸湯河 ($57)平時食開生牛肉, 但抗疫時期都係食熟食好啲啦! 熟牛肉原來整到好似燒肉咁半肥瘦, 有啲似牛腩肉咁幾好食, 佢大大舊咁唔似生牛肉咁薄, 最緊要係唔痴牙唔鞋口, 怕肥嘅就咬開上面果排就
🐷🐷 💭中環返工嘅手足真係可憐, 又要過海又避唔開強國人, 商廈仲唔知幾時會有大型爆發!! 食飯又貴, 閒閒地$100 個lunch 依然要排隊先食到...今次就等豬仔介紹一間隱世黃色飯堂, 平均$5X就食到越式粉麵飯, 外賣自取特選餐仲平到$4X, 有野食有野飲!! 仲要係良心黃店!!
🐷🐷💬1⃣XO醬越式炒飯 + 熱菜蜜 ($55)
$55 喺中環可能連美心都未必夠錢食, 但喺度就食到個大大碟炒飯, 飯量真係好多, 圍起兩三個大碗都有, 味道偏重, 加上落左幾重手嘅XO醬, 係略嫌XO醬啲蝦米有啲硬身難咬, 影響口感! 碟飯對於鍾意重口味嘅豬仔就好岩食啦!!啲餸都唔少架, 除左最基本炒飯有嘅火腿片, 炒蛋之外, 仲有札肉, 蟹柳, 菜粒等等!! 飲品就叫左個唔使加錢嘅菜蜜, 滋潤下喉嚨, 好飲又健康!!
🐷🐷💬2️⃣河內熟牛肉配牛丸湯河 ($57)
平時食開生牛肉, 但抗疫時期都係食熟食好啲啦! 熟牛肉原來整到好似燒肉咁半肥瘦, 有啲似牛腩肉咁幾好食, 佢大大舊咁唔似生牛肉咁薄, 最緊要係唔痴牙唔鞋口, 怕肥嘅就咬開上面果排就可以啦!! 肉汁豐富! 個湯有少許香草同洋蔥味, 再配埋青檸同少量辣椒, 好正宗嘅越南粉! 而且粉仲好大碗, 好飽! 仲有兩粒又爽又彈牙嘅牛肉丸，呢個價錢食雙併河包嘢飲真係幾抵!
🐷🐷💬3️⃣蝦頭膏海鮮炒河 ($59)
本身想試金邊粉, 點知賣晒可以轉炒河, 都試試啦!! 同個炒飯幾似, 正常越式炒嘢嘅配料佢都有, 係多左啲海鮮包括魚塊, 蝦同油魚等等! 一樣係以量同低價取勝, 味道正常啦! 個人鍾意食個炒飯多啲, 而最好食都係湯河! 大家歡迎試試, 經濟唔好時更要特別支持黃店!
🐷🐷💭小店店內有小量文宣同黃色揮春, 而根據和你EAT所講, 小店有參與罷工同為手足提供休息地方, 以$5X有野食有野飲又開喺中環鬧市嚟講絕對係良心餐廳, 大家可以考慮做返工lunch 嘅飯堂!!
Post
