大官廳 (Closed)

友人D先生又帶我食好嘢，今日食點心，佢揀咗大官廳。第一次上去，環境幽雅， 枱與枱之間有一定嘅距離，讚！揀咗菊花茶，侍應先生提醒要焗一焗先飲，咁樣會比較出味。點心方面選擇唔係好多，咁樣仲好，唔會有選擇困難症。叫完點心，待應推薦今日精選係叉燒，D先生決定試埋佢，唔試由止何，一試。。。。。嘩！真係超。好。味。！肥瘦均勻，肉質香軟，真係食到唔停口！近年少咗食肉既我都忍唔住食完一舊又一舊！鮑魚雞粒酥鮑魚夠淋身，一啖一個，岩岩好！帶子燒賣大大粒帶子係燒賣上面，豬肉夠淋又唔肥！大官蝦餃皇果然係蝦餃皇，大大粒，皮薄又彈牙，蝦又大粒，必叫！竹笙黃耳上素餃呢個超級精緻，淨係樣都夠晒吸睛！點可以做到咁靚？真係唔捨得食！味道方面當然係好好喇，香濃菇菌味道潮洲芋絲春卷呢個應該叫爆涵春卷先岩，入面一d虛位都無，滿滿的是芋絲！身為點心控強烈推介呢度，點心需然選擇唔多，但勝在樣樣都精！