Oddies (Closed)

原本想嚟試吓佢啲特色雞蛋仔，奈何個午餐食得太飽，真喺食唔落咁大杯嘢......... 所以今次就試住個雪榚先啦。今日試咗佢個低脂牛奶雪榚，同埋黑芝麻意大利雪榚。質素ok嘅。牛奶軟雪榚無因為佢喺低脂而少咗牛奶味......... 質地都夠軟滑.......... 個芝麻雪榚都好香好濃芝麻味，而且唔會有一般外邊芝麻雪榚嘅苦苦地味道（炒燶芝麻味），個人覺得唔錯。下次個午飯無食得咁飽時，再試埋佢啲雞蛋仔，到時再另作報告啦。