四川担担麵 (Closed)

呢間舖印象最深就係個招牌，似卡通片電影海報，但佢個門口就唔算明顯，要上樓梯先見到！！舖面大概有二十幾個座位，算係寬敞舒適，但望多兩眼，一間中國麵食點解全部都係外國人員工咁特別，望望牆上既介紹，原來呢間舖係由一位四川姑娘同外藉丈夫開的，雖然員工都係外國人，英文唔好點餐都唔怕，餐牌有中英文，正常時段價錢算中上價位，但我係下午茶去，有幾個指定套餐可選都係$39, 我第一次黎梗係試下招牌擔擔麵啦同點左杯茉莉花茶，套餐可加大只需$4！亦可選辣度！落完單等左八分鐘左右，餐點到了，份量果然十足，賣相都唔係差，加左些小自家製既辣椒再拌勻，真心好食，麵既較硬適中，淡淡麻醬帶點微辣，又配搭非常，覺得油膩？？茉莉花出場了，喝一口，油膩解了，茶應該係店主自己沖調的，唔同飲茶包隻味。係中上環番工既我絕對會回頭再幫襯