ODDS

Open Now

Now Closed

係中環開會，又可以係中環食lunch。呢度應該係主攻銀行界嘅員工，出示銀行員工證有額外九折優惠。Menu以套餐為主，價錢都算適中，選擇都算多，包括Sashimi🍣，熟食，同埋串燒類🍢。個人欣賞佢哋嘅有一個mini 丼飯套餐，可以選擇兩款不同嘅丼飯，再配上沙律、前菜、熱烏冬或蕎麥麵及甜品。刺身新鮮，海膽好味。Mini 丼飯其實都唔算好mini，啲魚生都夠多，兩碗飯其實根本都食唔晒，只係能夠食晒啲魚生。嗰日天氣比較凍，所以選擇K.O.咗個熱辣辣嘅蕎麥麵先，食完成身暖晒，之後再慢慢食魚生飯。服務都幾好，食完唔會即刻趕我哋走，仲不停添茶俾我哋慢慢傾吓偈。