洋紫荊餐廳 (Closed)

今日同friend 去食lunch﹐本來想去天與地﹐打去book 檯話full 晒。打去和民啦﹐又話要一日前先可以book 喎﹗終於我們決定去呢間喇﹐比較容易搵位﹐又比較靜嘛﹗結果不出所料﹐12 點45 分上去﹐冇book 檯都即刻有位﹐讚﹗﹗食物就一如以往(差不多2 年冇去過﹗)﹐冇驚喜亦冇驚嚇~ 2 個人每個人要左個set lunch $78 有餐湯﹐主菜﹐同埋咖啡或茶﹐中環來講﹐價錢唔算貴啦﹗我要左個羅宋湯﹐都幾濃下﹐好味道﹗主菜係煙豬扒+德國腸﹐配菜可以揀薯菜﹐飯或者意粉。原來煙豬扒係好似厚火腿咁樣﹐不過煙得幾好味。意粉亦唔會煮得太淰﹐ok 喎。總括來說﹐食物唔太差﹐不過亦吸引唔到我﹐但係下次係附近搵唔到位﹐我都仲係會再去既﹗