金御海鮮酒家 (皇后大道中)

Open Now

Now Closed

同同事嚟呢度飲茶，因為有六個人嘅緣故，所以只有飲茶嘅地方先可以係中環搵到位一齊食午餐。 我哋比較欣賞嘅係呢度嘅炸鮮魷，非常爽口，面嗰一層亦都唔會太粉好爽身，所以我哋叫咗兩碟。 另外一個較欣賞嘅點心，就係蛋散,有啲部份可能太甜，但係整體黎講都幾好食。 至於個粉果，個果皮太厚，而且一夾起上嚟就散。至於其他點心，包括叉燒包、蝦餃燒賣、牛柏葉、灌湯餃等，都係唔錯嘅選擇。呢度午餐嘅時候其實都幾多人，所以一定要記得提前打電話book定枱。