Video
Read full review
2021-12-16
2079 views
中環有一間富有特色，性價比爆燈既日式鐵板燒 + 清酒主題餐廳 Kura Teppan & Sake Bar。地點係中環威靈頓街 Somptueux Central 2樓，鏞記酒家附近方便唔難搵。.電梯一開門先見到餐廳既大木門，推開大門就好似進入另一個世界。一入眼簾係佢地一整排特色清酒牆同埋一整排既清酒雪櫃，現場見到比睇相更震撼。中間係特大開房式廚房同鐵板燒位置，各師傅係入面堆頭工作為客人準備緊最新鮮既食材。餐廳座位安排都係以鐵板燒位置為主，再輔以少量高檯位置方便另一批比較喜歡熱鬧、面對面飲酒聊天享用美食既客人。我個人非常喜愛鐵板燒，親眼睇住師傅處理自己既食材令人有滿滿期待感。.午市有套餐，晚市全部係自由度大既單點款式。今晚試左好多非常優質同精美既菜式，大部份都係餐廳是令推薦餐牌上面選擇。.清酒 Tasting Set （三杯）💲228⭐️4/5開宗明義Sake Bar，餐廳對Sake要求一定高。放滿哂唔同款式清酒雪櫃非常壯觀。餐廳先引領作為門外漢既我地去清酒櫃前做簡介，先稍稍介紹清酒既特式，因為每款清酒都有自己獨突之處同埋最佳配襯菜式，所以餐廳希望首先了解大家喜好同埋今晚主要想食既野再替
.
電梯一開門先見到餐廳既大木門，推開大門就好似進入另一個世界。一入眼簾係佢地一整排特色清酒牆同埋一整排既清酒雪櫃，現場見到比睇相更震撼。中間係特大開房式廚房同鐵板燒位置，各師傅係入面堆頭工作為客人準備緊最新鮮既食材。餐廳座位安排都係以鐵板燒位置為主，再輔以少量高檯位置方便另一批比較喜歡熱鬧、面對面飲酒聊天享用美食既客人。我個人非常喜愛鐵板燒，親眼睇住師傅處理自己既食材令人有滿滿期待感。
.
午市有套餐，晚市全部係自由度大既單點款式。今晚試左好多非常優質同精美既菜式，大部份都係餐廳是令推薦餐牌上面選擇。
.
清酒 Tasting Set （三杯）💲228
⭐️4/5
開宗明義Sake Bar，餐廳對Sake要求一定高。放滿哂唔同款式清酒雪櫃非常壯觀。餐廳先引領作為門外漢既我地去清酒櫃前做簡介，先稍稍介紹清酒既特式，因為每款清酒都有自己獨突之處同埋最佳配襯菜式，所以餐廳希望首先了解大家喜好同埋今晚主要想食既野再替我地介紹合適既酒。因為我自己唔飲得酒所以餐廳推薦朋友小試”牛之盛宴”Tasting Set。套餐入面有三種唔同口味清酒配襯番牛肉冷盤同埋唔同口味既牛類鐵板燒。Sake上檯後餐廳再安排多一次詳盡介紹講解每款既出產地、背景故事、特色、風味同配襯方法，非常之專業。
.
米崎生蠔 💲98/each
⭐️4/5
開胃前菜點左時令既生蠔。餐廳提供既都係岩手縣米崎生蠔，蠔身好大隻厚肉Creamy 海水唔算重。
.
日本海膽生和牛卷 💲268
⭐️4.2/5
有配襯牛肉冷盤既Sake當然要試下佢地既生和牛卷。藝術品一樣賣相非常精緻，一客兩件。面用上少量魚子醬同金箔，有外層係日本生和牛滑嫩油脂感重雲石紋靚，中間夾住滿滿既日本海膽，味道濃郁，口感幼滑黏稠。非常好味極想Encore。
.
松葉蟹他他 💲88
⭐️4.3/5
賣相一樣非常精緻，魚子醬金箔點綴，面層係松葉蟹肉、龍蝦沙津、蕃茄粒同下層牛油果。配搭多士同沙津菜，加埋少少意大利黑醋汁一齊食，成件藝術品一樣唔捨得放落口。
.
鮟鱇魚肝 💲128
⭐️4.3/5
餐廳是令推介菜之一，鮟鱇魚肝係日本貴級食材，素有「海中肥鵝肝」美譽，係日本一種幾常見既有益食材。呢份魚肝用一個非常靚既玻璃器皿裝住，上層係食材同配料，下層係超美既花花。魚肝一客兩件，魚肝質感比較實，有油脂感，加埋下面類似香醋果凍配料一齊食酸酸甜甜，無論打卡定係享用都係賞心樂事。
.
紫蘇雞丸 💲88
⭐️3.8/5
一眾食家推薦餐廳呢客雞丸所以跟風試下。紫蘇雞丸即叫即煎由師傅係席前烹調，調味後既雞肉混雞軟骨做成雞丸子，用紫蘇葉包住，口感豐富。配搭日本蛋漿一齊食味濃幼滑。
.
鐵板鱈白子 💲128
⭐️4.2/5
鱈白子其實係雄性鱈魚的精巢，係一種名貴食材。作為餐廳時令推薦菜式之一，可以刺身或鐵板方式處理。師傅強烈建議以鐵板方式帶出鱈白子既味道。鱈白子外面煎得微微焦脆，口感有少少似豆腐或凍鴨肝一樣滑滑入口即溶。特別欣賞配襯白子既魚醬汁，係菜式既靈魂。
.
鐵板牛舌 💲88 ⭐️4/5
鐵板美國頂級牛柳 💲228 ⭐️3.9/5
餐廳推薦如果我地試牛之盛宴Tasting Sake Set就必配鐵板牛舌同鐵板牛柳。去食鐵板燒其實淨係睇師傅表演已經值回票價，食材質素唔錯，以單份鐵板黎講份量算好多，差少少食唔哂。
.
鐵板法國白鱈魚 💲148
⭐️4.2/5
今晚另一個驚喜位係呢份鐵板法國白鱈魚，外層煎得焦脆，入口有濃濃魚油香。最重要係佢連擺盤都好講究用好靚既花瓣圍好，真係好耐無食過一份咁好睇又食既煎鱈魚
.
橙酒啫喱奶凍 💲68
⭐️3.7/5
甜品無MENU全部都係是日精選款式，今晚就係橙酒啫喱奶凍。一出場又係靚到嘩一聲，簡單奶凍都可以整得咁靚咁有心思。藍色既橙酒啫喱係燈光下好似藍水晶一樣閃閃下，下層係奶凍仲有士多啤梨裝飾。客觀講句橙酒啫喱其實無咩酒味，奶凍合格不過不失四平八穩。但成件事靚到咁真係無得挑剔。
.
總結：本身仲好想試埋一眾食家都大推既原隻生猛大龍蝦 、鵝肝、舞茸同和牛炒飯，但食完牛柳同牛舌已經過飽，實在無能力所以忍痛放棄。
呢到既優點係菜式單點自由度大，無論裝修、清酒同食物質素都係走專業、好高質素同注重食材每一細節。不過價格與同類餐廳比較絕對親民，食左咁多野仲要叫埋酒人均都只係💲900。成晚用餐體驗良好氣氛輕鬆自在，所有員工態度都係專業友善。所以係到食飯係一種享受，個人非常推薦呢一家日式鐵板燒同清酒主題餐廳。聽餐廳講佢地間中有做Sake Tasting Night活動，朋友仔食完已立馬決定安排再回訪再試一下。
.
不專業食評 nei.foodie
鮟鱇魚肝
$128
33 views
1 likes
0 comments
松葉蟹他他
$88
34 views
0 likes
0 comments
米崎生蠔
$98
36 views
0 likes
0 comments
日本海膽生和牛卷
$268
32 views
0 likes
0 comments
鐵板鱈白子
$128
15 views
0 likes
0 comments
鐵板鱈白子
$128
26 views
0 likes
0 comments
鐵板法國白鱈魚
$148
22 views
0 likes
0 comments
鐵板牛舌
$88
14 views
0 likes
0 comments
鐵板美國頂級牛柳
$88
26 views
0 likes
0 comments
紫蘇雞丸
$88
16 views
0 likes
0 comments
清酒 Tasting Set
$228
13 views
0 likes
0 comments
橙酒啫喱奶凍
$88
15 views
0 likes
0 comments
Post
