Tommy Yummy (翡翠中心)

Open Now

Now Closed

餐廳位置在一樓，設有落地玻璃的大露台，面對如此靚景，令人感覺很放鬆。餐牌選擇有好多，有串燒/小食、沙律、湯/咖喱、主食、飲品及甜品。泰式蝦餅: 炸得酥脆，蝦肉彈牙，仲配埋super food羽衣甘藍，夠晒健康。串串沙爹(雞/豬各1串): 豬頸肉和雞肉都燒得香口，加埋甜甜哋既沙爹汁，非常惹味。火車頭炒飯: 配料有豬肉碎、蛋絲、青色和紫色豆角，炒飯粒粒分明，很有鑊氣，醬汁好有泰國香料既風味。泰式雞肉金邊粉: 金邊粉煙韌爽口，配料有雞肉、芽菜、蛋絲、韮菜、豆腐乾，仲有伴碟既花生碎和辣椒粉，撈埋個酸酸甜甜既醬汁炒，十分開胃。椰香菠蘿飄雪: 充滿濃郁椰香，加上酸酸甜甜既菠蘿，非常消暑解渴。鮮芒椰漿柚子露: 鮮甜既芒果肉配上啖啖柚子香氣，帶來清爽口感。總結，食物水準高，份量十足，上菜快，員工服務好，食得好開心。